Չինաստանում համացանցի ավելի քան կես միլիոն օգտատերեր բաց նամակ են ստորագրել Առողջապահության համաշխարհային կազմակերպություն (ԱՀԿ)՝ Ֆորտ Դետրիկ բազայի ամերիկյան կենսաբանական լաբորատորիայում իրավիճակը հետաքննելու պահանջով, որպեսզի «կանխվեն ապագա համաճարակները», հաղորդում է չինական Global Times թերթը:
ՉԺՀ-ի բնակիչների բաց նամակում ասված է, որ ԱՀԿ-ի հաջորդ համաճարակը կանխելու համար անհրաժեշտ է ուշադրություն դարձնել լաբորատորիաներին, որոնք հետազոտում են վտանգավոր վիրուսները կամ կենսաքիմիական զենքը: Նամակում հատուկ կերպով առանձնացվել է Մերիլենդի Ֆորտ Դետրիկ բազայի վրա ԱՄՆ բանակի վարակիչ հիվանդությունների ուսումնասիրման ինստիտուտը, որտեղ, ինչպես պնդում են, վտանգավոր և վարակիչ վիրուսներ են պարունակվում ՝ Էբոլա, SARS, MERS եւ ծաղիկ: Դրանցից որեւէ մեկի արտահոսքը կարող է հանգեցնել ծանր հետեւանքների։
«2019 թվականի աշնանը լաբորատորիայում արտահոսք է տեղի ունեցել մինչև COVID-19 համաճարակի բռնկումը, սակայն ԱՄՆ-ի մանրամասն տեղեկությունները չեն հրապարակվում ազգային անվտանգության պատրվակով», – ասված է նամակում:
Նշվում է, որ Չինաստանն արևմտյան երկրների վիրուսաբաններին և ԱՄՆ-ի ԶԼՄ-ների ներկայացուցիչներին թույլ է տվել այցելել Ուհանի վիրուսաբանության ինստիտուտ, իսկ ԱՄՆ-ն Ֆորտ Դետրիկ բազայի հիման վրա լաբորատորիա չի բացել և «ելակետային տվյալներ չի ներկայացրել այն երկրների, այդ թվում՝ Չինաստանի հետ, որոնք անկախ են ԱՄՆ-ի աշխարհաքաղաքական ազդեցությունից»:
Ամերիկյան լաբորատորիան, ինչպես գրում է թերթը, ժամանակավորապես փակվել է 2019 թվականին ԱՄՆ-ի Հիվանդությունների վերահսկման և կանխարգելման կենտրոնի (CDC) ստուգումից հետո: Փակման պատճառ էր նշվում «կեղտաջրերի վարակազերծման ենթակառուցվածքի խնդիրները», սակայն բացատրությունը, հրատարակության կարծիքով, բավարար համոզիչ չէր: Միայն պարզելով վիրուսի ծագումը ՝ աշխարհը կարող է վերացնել պոտենցիալ վտանգները և խուսափել համաճարակի հաջորդ բռնկումներից, գրում է թերթը։
Չինացի մի խումբ օգտատերեր նամակ են պատրաստել և խնդրել թերթին այն հրապարակել սոցցանցերում, ինչն էլ արվել է հուլիսի 17-ին: Մեկ օրում նամակն ավելի քան 500 հազար ստորագրություն է հավաքել, նշում է հրատարակությունը:
Ավելի վաղ, Առողջապահության համաշխարհային կազմակերպության ղեկավար Թեդրոս Ադհանոմ Գեբրեյեսուսը չի բացառել կորոնավիրուսի արհեստական ծագման հավանականությունը: Հետագայում նա հայտարարել է, որ կազմակերպությունը մտադիր է COVID-19-ով մարդկանց հիվանդության առաջին դեպքերի շրջանում լաբորատորիաների և հետազոտական հաստատությունների աուդիտ անցկացնել 2019 թվականի դեկտեմբերին:
