Հայ հանրությունը, փորձագետները քննարկում են Ադրբեջանի նախագահի կողմից օտարերկրյա դեսպաններին Շուշի հրավիրելու փաստը: Հիշեցնենք, որ ավելի քան 4 տասնյակ երկրների ղեկավարներ ընդունել են հրավերը, ուշագրավ է, որ ԱՄՆ-ի, Ֆրանսիայի ու Ռուսաստանի, ինչպես նաև Հնդկաստանի, Մեծ Բրիտանիայի և Գերմանիայի դեսպանները չեն ընդունել հրավերը, ոչ պակաս ուշադրության է արժանի նաև այն հանգամանքը, որ Ալիևի հրավերն ընդունել է նաև Չինաստանի դեսպանը: Այս և տարածաշրջանային կարևորության մի շարք հարցեր «Առաջին Լրատվական»-ը քննարկել է «Չինաստան-Եվրասիա» խորհրդի ղեկավար Մհեր Սահակյանի հետ:
«Հայաստանը Չինաստանի ուղղությամբ ակտիվ աշխատանք չի կատարում և անարդյունավետ է գործում, ի տարբերություն դրան Ադրբեջանը բավական արդյունավետ է գործում, կարողացել է բերել մոտ 799 միլիոն դոլարի ներդրումներ, արդեն սկսվել է օգտագործվել Բաքու-Թբիլիսի-Կարս երկաթգիծը Չինաստանի Մետաքստի ճանապարհ տնտեսական գոտու շրջանակում: Պետք է հասկանանք, որ երկու երկրների միջև հարաբերությունները զարգանում են, իսկ Հայաստանը չի օգտագործում և չի զարգացնում սեփական հարաբերությունները աշխարհի երկրորդ գերտերության հետ, ուստի Բաքվի ձայնն ավելի լսելի է դառնում Պեկինում»,-ընդգծեց մեր զրուցակիցը:
Հարցին, թե հայկական կողմը ինչպես պետք է արձագանքի Երևանում իր ամենամեծ դեսպանատունը կառուցած Պեկինի քայլին, Սահակյանն ասացի, որ Հայաստանը պետք է ոչ թե փորձի մեղավորներ գտնել ուրիշների մեջ, այլ հարցի պատասխանը փորձի գտնել իր մեջ՝ հասկանալով, որ մեծաքանակ դեսպանների ներկայությունը Շուշիում մտահոգվելու առիթ է: «Պետք է հարց բարձրացնել ոչ թե Հայաստանում Չինաստանի դեսպանատան, այլ սեփական դեսպանների առջև: Օրինակ, ի՞նչ են արել Պեկինում հայ դիվանագետները, որ նման իրադարձություններ են տեղի ունենում»,-հավելեց Սահակյանը:
Առավել մանրամասն՝ տեսանյութում: