«Աերոֆլոտը» խնդրում է արտերկիր մեկնողներին նախապես ժամանել Մոսկվայի «Շերեմետևո» օդանավակայան COVID-19-ի փաստաթղթերի ստուգման պատճառով, ասված է ավիաընկերության հաղորդագրության մեջ:
«Կապված փաստաթղթերի լրացուցիչ ստուգումների անցկացման անհրաժեշտության հետ՝ ներառյալ COVID-19 վարակի բացակայության վերաբերյալ ՊՇՌ-թեստերի արդյունքները, PLF-ի (Passenger Locator Form), Flight Pass-ի տարբեր տեսակները և այլն, D տերմինալում գրանցվելու համար արտասահման մեկնող ուղևորների սպասարկման ժամանակն ավելացել է։ Նման փաստաթղթերի ստուգումը կատարվում է նշանակման երկրի պահանջներին համապատասխան և ավիաընկերության պարտականությունն է»,- ասված է հաղորդագրության մեջ:
«Աէրոֆլոտը» ուղևորներին խնդրում է օդանավակայան ժամանել նախապես», – հավելում է ընկերությունը:
Ավելի վաղ Telegram-ի մի շարք ալիքներ հաղորդել էին «Շերեմետևո»-ում մեծ հերթերի մասին: Օդանավակայանի հասարակայնության հետ կապերի տնօրեն Աննա Զախարենկովան «ՌԻԱ Նովոստի»-ին հայտնել է, որ Շերեմետևոն ստանդարտ ռեժիմով է աշխատում ամռանը մեծ թվով չվերթների պայմաններում, հերթեր են գոյացել COVID-19-ում փաստաթղթերի ստուգումների պատճառով։