Իրանական ISNA գործակալության հաղորդմամբ, Իրանի Ալբորզ նահանգի գլխավոր դատախազ Շոջա Զողին, վերջին շրջանում բռնաբարությունների ու առևանգումների քանակական աճին անդրադառնալով, հայտարարել է. «Բռնաբարությունների ու առևանգումների թվի բարձրացումը պայմանավորված է նրանով, որ մեծ թվով երիտասարդներ միջքաղաքային ճանապարհներով երթևեկելով, չեն օգտվում հանրային տրանսպորտից և ավելորդ վստահություն ցուցաբերելու պատճառով ենթարկվում են բռնությունների: Մյուս կողմից՝ ընկերությունները, կանանց աշխատանքի ընդունելով, պատճառ են դառնում, որ կանայք ավելի շատ երթևեկեն քաղաքում, ինչը և հանցագործությունների թվի աճի պատճառ է դառնում»։
Հատկանշական է, որ վերջին ամիսներին մեծ թվով բռնաբարություններ են գրանցվել, իսկ իրանցի պաշտոնյաները ավելի շատ քննադատության են ենթարկել բռնությունների զոհ դարձած կանանց՝ նրանց հագուկապն ու շպարը հանցագործության շարժառիթ որակելով:
