Գորիսի քաղաքապետ Առուշ Առուշանյանը դուրս է եկել Հատուկ քննչական ծառայությունից։ Այս մասին այսօր՝ հուլիսի 7-ին, լրագրողների հետ զրույցում ասաց Առուշանյանի փաստաբան Էրիկ Ալեքսանյանը։ Փաստաբանը նշեց, որ Գորիսի քաղաքապետը վկայի կարավիճակ ունի, տեղեկացնում է news.am-ը։
«Նա բերման ենթարկվեց հանցանք կատարելու կասկածանքով։ Փաստացի հարցաքննվեց վկայի կարգավիճակով, սակայն կասկածի շուրջ։ Նա գտնվում է կասկածյալի կարգավիճակում»,- ասաց փաստաբանը։
Ալեքսանյանն ասաց, որ Առուշանյանը հրաժարվել է ցուցմունք տալ. «Նկատի ունենալով այն հանգամանքը, որ սա Առուշանյանի նկատմամբ դեռ վաղուց հարուցված քաղաքական հետապնդման շարունակությունն է։ Առհասարակ որեւէ կերպ չենք ցանկանում առնչվել Հատուկ քննչական ծառայության հետ, քանի որ որեւէ վստահություն չունենք նախաքննական այս մարմնի հետ»։
Նա մանրամասնեց, թե ինչ քրեական գործի մասին է խոսքը. «Խոսքը գնում է ընտրողների կողմից կաշառքներ տալու փաստի առթիվ հարուցված քրեական գործին»։
