Ֆիլիպինների հարավում կառավարական զորքերը փորձում են դադարեցնել իսլամիստ ապստամբների միջև ընթացող զինված բախումները: Իսլամիստների միջև ընթացող բախումների հետևանքով առնվազն 6 մարդ է զոհվել: Այս մասին տեղեկացնում է BBC-ն:
Միմյանց դեմ կռվող ապստամբները մտնում են մեկ կազմակերպության մեջ. նրանք Իսլամական ազատագրական ճակատի` MORO-ի անդամներ են:
Կազմակերպությունը ձգտում է իսլամական անկախ պետություն ստեղծել Ֆիլիպինների հարավում բնակվող Մորո ժողովուրդների համար: Բայց կիրակի օրը կազմակերպությունը պառակտվել է, անդամների մի մասը հեռացել են միասնական ճակատից:
