«Քոչն ու Սերժիկը երբեք չեն կարող այս իշխանությանը ընդդիմություն լինել, բայց նրանց ներկայությունը Ազգային ժողովում կստիպի Փաշինյանին ավելի զգոն լինել, ավելի խիստ լինել ու ավելի լավ լինել։ Թույլ ընդդիմություն ունեցող իշխանությունը ինչ-որ պահից թուլանում է, սկսում է գործ չանել, ինչ-որ տեղ նույնիսկ լկտիանում է»-«Առաջին լրատվական»-ի հետ զրույցում ասաց գործարար Փայլակ Հայրապետյանը՝ հավելելով, որ այս ընդդիմությանը նաև ուժեղ, գործ անող կառավարություն է պետք։ «Մենք հիմա աշխարհաքաղաքական շատ բարդ վիճակում ենք, չգիտենք, թե ով է մեզ տեր կանգնելու։ Ադրբեջանը մտել է մեր սահմանները, Ռուսաստանը մյուս կողմից է մտել ու չգիտենք, որը ինչ շահ է հետապնդում, մեր շահը որն է, ով պետք է մեզ պաշտպանի։ Այս բարդ իրավիճակում մեզ հզոր կառավարություն է պետք, պրոֆեսիոնալ նախարարներ։ Նախկին սխալները չպետք է կրկնվեն»,-ասաց Հայրապետյանը։
Մեր զրուցակցի խոսքով պողպատե մանդատ կիրառելը նշանակում է օրենքի գերակայություն և չպետք է լինեն արտոնյալներ։ Բոլորը օրենքի առաջ պետք է պատասխան տան՝ անկախ նրանից վարչապետ են, նախարար, թե նախկին օլիգարխ․«Ես պողպատե մանդատ ասելով սա եմ հասկանում, որ պետք է տարբերակված մոտեցում չլինի ու օրենքի առաջ բոլորը հավասար լինեն։ Օրինակ էդ Քոչարյանի համար աշխատողներին պարտադրած բժիշկը չպետք է պատասխանատվությունից ազատվի, չնայած որ իր համար հիմա 200 հոգի պայքարում է։ Չպետք է հաշվի առնվի մարդու մասնագիտությունը, դիրքը, բարեկամական կապերը։ Բոլորը օրենքի առաջ պետք է հավասար լինեն։ Եթե այդ պողպատե մանդատ ասվածը վարչապետը ճիշտ օգտագործի, 6 ամսվա մեջ մեր երկիրը կարգի կգա։ Բոլորը պետք է իմանան, որ օրենքն է գործում մեր երկրում և օրենքը շրջանցել չի կարելի։ Էս երկիրը պետք է վերջապես դառնա օրենքի երկիր»,-ասաց Հայրապետյանը։
Մեր զրուցակցի խոսքով՝ եթե հիմա Հայաստանը օրենքի երկիր լիներ, ապա Հրանտ Բագրատյանի պես մարդիկ չէին համարձակվի թքել ժողովրդի 50-60 տոկոսի երեսին, իրենց նման արտահայտություններ թույլ չէին տա՝ կվախենային պատասխանատվությունցի․«Այդ մարդը շարքային խուլիգան է։ Նրան պետք է մեկուսացնել հասարակությունից նրա արտահայտությունների համար, կամ ավելի լավ է հրապարակային գնդակահարեն։ Ինչ է նշանակում կանգնել ու ասել՝ թքել եմ Վարչապետին ընտրողների վրա էլ, վարչապետի վրա էլ։ Ինչպես կարելի է նման արտահայտություն թույլ տալ։ Այ խուլիգան, գնա կնոջդ վրա թքի, որ քեզ չխայտառակեր»,-ասաց Հայրապետյանը։
