Տեղեկատվությունը, որ «Սինովակի» և «Սինոֆարմի» պատվաստանյութերը չեն կարող պաշտպանել քաղաքացիներին «Դելտա» շտամից, ամբողջական չէ,- այս մասին հայտարարել է Վրաստանի առողջապահության նախարար Էկատերինե Տիկարաձեն: Հաղորդում է 1tv.ge-ն։
Նրա խոսքերով՝ այս առումով գիտնականները որոշ հարցեր ունեն այլ պատվաստանյութերի վերաբերյալ: Էկատերինե Տիկարաձեի հայտարարությամբ, համավարակը հաղթելու համար կարևոր է ոչ միայն պատվաստանյութը, այլև համավարակաբանների կողմից տրված կանոնակարգերի պատշաճ պահպանումը:
Տիկարաձեն մեկ անգամ ևս կոչ է արել բնակչությանը պաշտպանել հանձնարարականները:
«Գիտնականները որոշ հարցեր ունեն նաև այլ պատվաստանյութերի վերաբերյալ: Բազմիցս կրկնում ենք, որ չնայած պատվաստումը համավարակը հաղթահարելու ամենակարևոր զենքն է և կարևոր է, որ մեր յուրաքանչյուր քաղաքացի պատվաստվի, մենք նաև միշտ ընդգծում ենք, որ մեծ նշանակություն ունի նաև սոցիալական հեռավորությունը, շնչադիմակ կրելը և բոլոր կանոնների պահպանումը: Մենք նաև կոչ ենք անում քաղաքացիներին պաշտպանել բոլոր անհրաժեշտ միջոցները»,- հայտարարել է Էկատերինե Տիկարաձեն:
Ինչ վերաբերում է կորոնավիրուսի դեմ զանգվածային պատվաստումների մեկնարկին, առողջապահության նախարարն ասել է, որ երկիրը պատրաստ է հաջորդ ամիս սկսել զանգվածային պատվաստումներ:
«Ինչ վերաբերում է զանգվածային պատվաստումներին, ապա մասսայական պատվաստումը հայտարարվեց երրորդ եռամսյակից, այսինքն ՝ հաջորդ ամսվանից մենք պատրաստ ենք, ինչպես տարածաշրջաններում, այնպես էլ Թբիլիսիում, սկսել զանգվածային պատվաստումների գործընթացը»,- հայտարարել է Տիկարաձեն:
