Վրաստանի հանրային պաշտպանն անհիմն է համարում «պարետային ժամն» ուժի մեջ թողնելու իշխանությունների որոշումը: Այս մասին օմբուդսմեն Նինո Լոմջարիան ասել է Մարդու իրավունքների խորհրդարանական հանձնաժողովի նիստում:
Օմբուդսմենը կարծում է, որ միջգերատեսչական համակարգող խորհուրդը պետք է հանրությանը տրամադրի տեղեկատվություն այն մասին, թե ինչպես է «պարետային ժամն» ազդում կորոնավիրուսի տարածումը զսպելու վրա.
«Չնայած, 2021 թ. մարտի դրությամբ համաճարակի հետ կապված մի շարք սահմանափակումներ հանվել են, Վրաստանի կառավարությունը չի տրամադրել որոշակի գիտական մեթոդի վրա հիմնավորված հիմնավորում և չի բացատրել, թե ինչու է անհրաժեշտ պահպանել գիշերվա տեղաշարժի արգելքը»,- ասել է Նինո Լոմջարիան։
Վրաստանում գիշերը տեղաշարժի արգելքն ուժի մեջ է անցյալ տարվա նոյեմբերից: Ավելի քան վեց ամիս շարունակ պարետային ժամը սկսվում էր 21:00-ից և ավարտվում՝ 05:00-ին, մայիսին տեղափոխվեց՝ 23:00-ից, իսկ հունիսի 1-ից տևողություն սահմանվեց մինչև 04:00-ն:
Վրաստանի տարբեր շրջանների և քաղաքների բնակիչները պարբերաբար բողոքի ցույցեր են անցկացնում՝ պահանջելով չեղյալ հայտարարել պարետային ժամը, կամ դրա տևողությունը կրճատել:
