Հունիսի 14-ին կրակը ճարակել Է Ռոքթոնի (Իլինոյսի նահանգ) Chemtool քիմիական գործարանը՝ հարկադրելով տարհանել մարդկանց: Այդ մասին հաղորդել Է NBC News-ը:
Իշխանություններն սկսել են տարհանել Chemtool Inc.-ին պատկանող գործարանի հարեւանությամբ ապրող բնակիչներին, որն արտադրում Է քսուքներ, քսանյութեր, մետաղամշակման հեղուկներ եւ մաքրող միջոցներ: Բռնկումն սկսվել Է տեղական ժամանակով առավոտյան մոտավորապես 07:30-ին: Գործարանի ղեկավարությունը հայտարարել Է, որ իր բոլոր աշխատակիցները գտնվում են անվտանգության մեջ: Հրշեջները մեկուսացրել են հրդեհը, բայց գործարանը շարունակում Է այրվել: Ռոքթոնի Հրշեջ պահպանության պետ Քիրք Ուիլսոնը հայտարարել Է, որ ջրի օգնությամբ կրակի դեմ պայքարը կարող Է վտանգավոր հոսքի հանգեցնել Ռոք գետում, որը Միսիսիպի գետի վտակն Է եւ գտնվում Է գործարանից 270 մետր դեպի արեւմուտք:
Հրշեջները կարծում են, որ դա կարող Է հանգեցնել Էկոլոգիական աղետի եւ հրաժարվել են ջրով մարել հրդեհը: «Շենքն զգալիորեն ոչնչացել Է»,-լրագրողներին ասել Է Ուիլսոնը: Պաշտոնյաները հայտարարել են, որ իրենք անհանգստացած են այն բանի առնդությամբ, որ այնպիսի քիմիական նյութեր, ինչպիսին ծծմբաթթուն, ազոտը եւ կապարն են, կարող են տարածվել ծխի միջոցով: Դոկտոր Սանդրա Մարթելը՝ Վինեբագո օկրուգի առողջապահության դեպարտամենտի ադմինիստրատորը, մարդկանց խնդրել Է տանից դուրս գալիս դիմակ կրել: Առայժմ հայտնի չԷ, թե ինչն Է դարձել հրդեհի պատճառ, հաղորդել Է «Ինտերֆաքս»-ը: