Pink Floyd ռոք-խմբի հիմնադիրներից մեկը՝ Ռոջեր Ուոթերսը, կոպիտ արտահայտություններով մերժել է Facebook–ի հիմնադիր Մարկ Ցուկերբերգին. վերջինս ցանկացել է սոցիալական ցանցերը խթանելու նպատակով օգտագործել Ուոթերսի գրած երգը:
Հունիսի 10-ին, ելույթ ունենալով Wikileaks- ի հիմնադիր Ջուլիան Ասանժին աջակցող ֆորումում, Ուոթերսը կարդացել է ձեռնարկատիրոջ նամակը, որն առաջարկում էր մեծ գումար Another Brick in the Wall (Part II) ստեղծագործությունն օգտագործելու համար՝ Instagram- ի և Facebook- ի խթանման արշավում:
«Սա պաշտոնական հաղորդագրություն է Մարկ Ցուկերբերգի կողմից, որն առաջարկում է հսկայական գումար, և իմ պատասխանն է. «Գնա՛ գրողի ծոցը: Ոչ մի դեպքում»,-ասել է Ուոթերսը:
Նա շեշտել է, որ չի պատրաստվում մասնակցել առաջարկվող «անհեթեթությանը»:
Երաժշտի կարծիքով՝ Ցուկերբերգը ցանկանում է օգտագործել այդ երգը՝ իր սոցիալական ցանցերն ավելի ազդեցիկ դարձնելու համար և «շարունակել գրաքննել բոլորիս այս սենյակում և կանխել Ջուլիան Ասանժի մասին այս պատմության՝ հասարակության լայն շերտերին հասնելը»:
“¡Vete a la chingada!”: @rogerwaters a Mark Zuckerberg. El músico contó que le ofrecieron “una gran cantidad de dinero” por permitir el uso de Another brick in the wall II para promover Instagram. Lo narró en un acto por la libertad de Julian Assange (@Wikileaks)#VideosLaJornada pic.twitter.com/gEVqaor8Eo
— La Jornada (@lajornadaonline) June 12, 2021
Ուոթերսն առաջին անգամ չէ, որ պաշտպանում է Ասանժին: 2019-ի աշնանը նա Լոնդոնի կենտրոնում՝ Ներքին գործերի նախարարության շենքի մերձակայքում կազմակերպել է փոքրիկ համերգ՝ ի պաշտպանություն WikiLeaks– ի հիմնադրի:
Another Brick in the Wall-ը (Part II) Pink Floyd- ի ամենահայտնի ստեղծագործություններից մեկն է: Տեքստը գրել է Ռոջեր Ուոթերսը:
