Մակրոնը հայտարարել է Ֆրանսիայում «արդարադատության գլխավոր շտատներ» ստեղծելու մասին

Ֆրանսիայի նախագահ Էմանուել Մակրոնը հայտարարել է, որ երկրում կստեղծվեն «արդարադատության գլխավոր շտատներ», ասվում է Ելիսեյան պալատի կայքում տեղադրված հաղորդագրության մեջ:

Նշվում է, որ նախագահն ուրբաթ օրը հանդիպել է Վճռաբեկ դատարանի առաջին նախագահողին և գլխավոր դատախազին՝ քննարկելու երկրում արդարադատության իրավիճակը, մասնավորապես քաղաքացիների մտահոգությունները անվտանգության խնդիրների վերաբերյալ: Հանդիպման ընթացքում Մակրոնը վերահաստատել է իր նվիրվածությունը դատական ​​համակարգի անկախության սկզբունքներին:

«Մակրոնը նշել է, որ ցանկանում է՝ արդարադատության նախարարն ամեն տարի խորհրդարան զեկույց ներկայացնի կառավարության քրեական քաղաքականության վերաբերյալ», – ասվում է հաղորդագրության մեջ:

Ըստ BFMTV ալիքի դեռևս չհաստատված տվյալների՝ «գլխավոր շտատները» կբացվեն 2021-ի հոկտեմբերին: Քննարկումները, ինչպես պալատում հայտնել են, կարող են վերաբերել «համակարգային բարեփոխումներին» և համապատասխան օրինագծի պատրաստմանը:

«Գլխավոր շտատները» 14-18 դարերում Ֆրանսիայի բարձրագույն խորհրդակցական մարմինն էին՝ խորհրդարանի նախատիպը: