Երկրի խնդիրները օղակի նման խեղդում են մեր հասարակությանը. պետք է հստակ հասկանանք, ինչպես ենք հրդեհը մարելու: «Առաջին լրատվական»-ի հետ զրույցում նման կարծիք հայտնեցին Շիրինյան-Բաբաջանյան ժողովրդավարների դաշինքի ցուցակը գլխավորող Արման Բաբաջանյանն ու ցուցակի հինգերորդ հորիզոնականը զբաղեցնող Ստյոպա Սաֆարյանը:
«Այս ընտրությունները պետք է դարձնել ծրագրային: Անգամ 2018-ը ծրագրային ընտրություններ չեն եղել: Ծրագրերի բացակայության պատճառով մի շարք խնդիրներ մնացին չլուծված: Համակարգը ոչ միայն ճռճռում է, այլև պրոֆեսիոնալ կարողություններն են կաղում»,-նշեց Ստյոպա Սաֆարյանը:
Արման Բաբաջանյանն էլ իր հերթին ավելացրեց. «Այո, երկրում հրդեհ է, բայց միջոցները պետք է հստակ հասկանանք, ինչպես ենք հրդեհը մարելու»:
Բանախոսների կարծիքով՝ Ընդդիմությունը բացասական ազդեցություն է ունեցել բարեփոխումների իրագործման վրա. «Ռևանշի հնարավորությունը նորանոր հեղափոխությունների շրջան է բացելու, որից մենք դուրս չենք գա»: