Բոլոր կանոնակարգերի մեղմացումը որոշակի ռիսկ է դեպքերի ավելացման համար, – այս մասին ցամաքային սահմանների բացման վերաբերյալ հայտնել է Վրաստանի Հիվանդությունների վերահսկման ազգային կենտրոնի ղեկավար Ամիրան Գամկրելիձեն: Հաղորդում է 1tv.ge-ն։
Գամկրելիձեն նշում է, որ այդ պատճառով բոլոր հանձնարարականները պետք է խստորեն պահպանվեն:
«Չի կարելի, որ սահմանը հատի անձը, ով չունի PCR թեստի բացասական պատասխան: Նույնը պատվաստման դեպքում, ովքեր պատվաստվել են երկու դեղաչափով, նրանք պետք է ներկայացնեն թեստի պատասխանը: Առաջարկություններ են մշակվում նաև, որ այստեղ գտնվելու ընթացքում նրանք անցնեն պարբերական փորձարկում:
Մենք պետք է շատ զգույշ լինենք, քանի որ ցամաքային սահմաններով ավելի շատ մարդ կմտնի երկիր: Մյուս կողմից, հասկանալի է, որ տնտեսությունը և զբոսաշրջությունը պետք է զարգացնել և բացել, որը հանդիսանում է տնտեսական զարգացման աղբյուրներից մեկը, բայց մենք պետք է խստորեն լինենք շնչադիմակ կրելու, հավաքույթների և հեռավարության պահպանման առումով և, ամենակարևորը, պատվաստումների հետագա ակտիվացման առումով:
Մենք պետք է քայլենք դանակի եզրով: Մի կողմից, ես հասկանում եմ, որ գալիս է ամառը, շոգ է, զբոսաշրջիկների թիվը կավելանա, բայց չափազանց անհրաժեշտ է խստորեն հետևել և իրականացնել բոլոր հանձնարարականները»,-հայտարարել է Ամիրան Գամկրելիձեն:
Համակարգող խորհրդի որոշման համաձայն, Վրաստանը հունիսի 1-ից կբացի իր ցամաքային սահմանները:
