ԱՄՆ նախագահ Ջո Բայդենը, խոսելով Վիրջինիա նահանգի Համփթոն քաղաքում գտնվող Լենգլի Յուստիս բազայի զինծառայողների հետ, ասել է, որ Չինաստանի նախագահ Սի Ցզինպինը կարծում է, որ Չինաստանը «կտիրանա Ամերիկային» մինչև 2035 թվականը: Այս մասին հայտնում է Fox News- ը:
«Ես ավելի շատ ժամանակ եմ անցկացրել Չինաստանի նախագահ Սիի հետ, քան աշխարհի ցանկացած առաջնորդ․ 24 ժամ մասնավոր հանդիպումներ մեկ թարգմանչի հետ, 17 000 մղոն ճանապարհորդություն Չինաստանում և այստեղ: Նա խիստ հավատացած է, որ Չինաստանը կառավարելու է Ամերիկան մինչև 3035 թվականը, քանի որ ավտոկրատները կարողանում են արագ որոշումներ ընդունել».- ասել է Բայդենը: Հեռուստաալիքը նշում է, որ Բայդենը հավանաբար սխալվել է և նկատի է ունեցել 2035 թվականը։
Նա կարծիք է հայտնել, որ այժմ աշխարհը պայքարի մեջ է ավտոկրատիայի և դեմոկրատիայի միջև: Ինչպես նշված է հրապարակման մեջ, ներկայում Կոնգրեսը քննարկում է օրենսդրություն, որը կբարձրացնի Միացյալ Նահանգների մրցունակությունը գիտության և տեխնոլոգիայի ոլորտում՝ Չինաստանի հետ մրցելու համար:
