Ռուսաստանի Դաշնության ղեկավարի մամուլի քարտուղար Դմիտրի Պեսկովը խոսել է Ռուսաստանի և Բելառուսի նախագահներ Վլադիմիր Պուտինի և Ալեքսանդր Լուկաշենկոյի առաջիկա բանակցությունների օրակարգի մասին:
«Օրակարգը հիմնականում տնտեսական է. վերջին անգամ, երբ դրանք քննարկում էին, հանձնարարականներ էին տրվում: Ակտիվ շփումներ կան վարչապետների, նախարարների, գերատեսչությունների միջև»,- ասել է Կրեմլի խոսնակը:
Նրա խոսքով՝ կողմերը մտքեր են փոխանակում հակամարտությունների լարվածության տարածաշրջանային տարբեր կետերում տիրող իրավիճակի վերաբերյալ:
«Հուսով ենք, որ Լուկաշենկոն նախագահին կտեղեկացնի ինքնաթիռի հետ կապված պատմության մասին, հավանաբար, կքննարկվի Մինսկում ձերբակալված Ռուսաստանի քաղաքացու հարցը»,- հստակեցրել է Պեսկովը:
Ավելի վաղ հայտնել էինք, որ Սոչիում առաջիկայում կայանալիք հանդիպման ընթացքում Վլադիմիր Պուտինը և Ալեքսանդր Լուկաշենկոն կքննարկեն համատեղ էներգետիկ նախագծերը և ինտեգրման խթանումը:
