Չինացի գիտնականները ենթադրում են, որ թռչնագրիպի շտամը ՝ H5N8 ևս մեկ համավարակի պատճառ կարող է դառնալ: Այս մասին նրանց ուսումնասիրությունները հրապարակվել են Medical Xpress բժշկական ամսագրում:
Նշվում է, որ թռչագրիպի նոր շտամը 2010 թվականին հայտնաբերվել է Չինաստանում բադերի մոտ: 2014 թվականին հիվանդության բռնկումներ են արձանագրվել Ճապոնիայում և Հարավային Կորեայում վայրի, նաև ընտանի թռչունների շրջանում: Իսկ 2016 թվականին հիվանդությունը հայտնաբերվել է Հնդկաստանում, Ռուսաստանում, Մոնղոլիայում, ԱՄՆ -ում և Եվրոպական մի շարք երկրներում:
Գիտնականների հետազոտությունների համաձայն, վիրուսակիրների մոտ ոչ մի ախտանշան ի հայտ չի եղել: Հետազոտողները նշել են, որ H5N8-ը բարձր պաթոգեն ունի, միևնույն ժամանակ հսկողությունը թռչնաֆերմաների, շուկաների նկատմամբ, ինչպես նաև համաճարակային իրավիճակի հսկողությունը կարող են կանխարգելել վիրուսի տարածումը:
Իսկ Առողջապահության համաշխարհային կազմակերպությունը հայտնել էր, որ նախկինում մարդիկ վարակվում էին թռչնագրիպի A(H5N1), A(H7N9) և A(H9N2) տեսակներով և խոզի գրիպի ենթատեսակներով՝A(H1N1), A(H1N2) և (H3N2):