Բժշկական գիտությունների թեկնածու բժիշկ Իրինա Դոբրեցովան խորհուրդ է տվել, թե ինչպես կարելի է հանգստի ժամանակ նվազեցնել կորոնավիրուսով վարակման վտանգը: Հանգստի գնալիս հարկ է հիշել, որ հիվանդությունը կարող է ցանկացած վայրում «սպասել», ուստի չի կարելի անտեսել անվտանգության միջոցառումները:
Ճանապարհորդին սպասող առաջին վտանգավոր գոտին ինքնաթիռի նեղ միջանցքն է, որում բորտուղեկցորդուհիները ստուգում են ուղևորների տոմսերը: Այդ հատվածում օդափոխությունը թույլ է, և առկա է վարակվելու մեծ վտանգ: Մի մոռացեք պաշտպանիչ դիմակի մասին:
Աթոռին նստելուց հետո կարող եք հանել դիմակը, բայց՝ լավ օդափոխության դեպքում: Իսկ եթե ճանապարհորդում եք գնացքով, ապա չպետք է անտեսեք պաշտպանությունը: Դիմակը պետք է փոխվի ճանապարհորդության յուրաքանչյուր երկու-երեք ժամը մեկ:
Բացօթյա հանգստի ժամանակ անհրաժեշտ է ավելի քիչ օգտագործել ալկոհոլային հիմքով ձեռքերն ախտահանող միջոցներ և դրանք ավելի հաճախ լվանալ:
«Պատվաստումը հիվանդություններից պաշտպանվելու հիմնական միջոց կլինի: Նրանք, ովքեր արդեն հիվանդացել են, նույնպես պետք է լուծեն այս հարցը աշնանային սեզոնի մեկնարկից առաջ», – եզրափակել է Դոբրեցովան «360» հեռուստաալիքին տված հարցազրույցում:
Համավարակի ընթացքում ձեզ հարկավոր է ավելի շատ ժամանակ անցկացնել դրսում, բայց ավելի լավ է խուսափել նեղ սենյակներից և մարդկանց մեծ բազմությունից:
«Լողափում կորոնավիրուսով վարակվելու ռիսկը նվազագույնն է», – եզրակացրել է բժիշկը:
