Իսրայելական կործանիչները Գազայի հատվածի հյուսիսային մասում հարված են հասցրել ՀԱՄԱՍ շարժման ռազմական հետախուզության օբյեկտին։ Այս մասին հայտնում է TASS-ը՝ հղում անելով բանակի մամուլի ծառայությանը։
Շաբաթ ավելի վաղ Իսրայելի պաշտպանության բանակը հայտնել էր Գազայի հատվածից իսրայելական հարավային Աշդոդ, Աշկելոն, Բեէր-Շևա, Սդերոտ քաղաքների, ինչպես նաև անկլավին հարակից շրջանների հրթիռակոծման մասին։ Դրանից հետո իսրայելցի զինվորականները երկու անգամ հրթիռային արձակման կայանք են խոցել Գազայի հատվածում։
Գազայի հատվածից Իսրայելին ուղղված զանգվածային հրթիռակոծությունները չեն դադարում մայիսի 10-ից։ Այդ ժամանակվանից, ըստ իսրայելցի զինվորականների հաշվարկների, իսրայելական քաղաքների ուղղությամբ արձակվել է ավելի քան 2000 հրթիռ, դրանցից 1000-ը խոցվել են «Երկաթե գմբեթ» ՀՕՊ համակարգերի կողմից, 350-ը՝ պայթել հենց Գազայի հատվածում՝ չանցնելով բաժանարար գիծը։
