ԱՄՆ երկնքում վայրէջքից առաջ երկու օդանավ է բախվել: Metroliner և Cirrus օդանավերը պետք է վայրէջք կատարեին Դենվերի մոտակայքում՝ Կոլորադոյի օդանավակայանում:
ԱՄՆ Տրանսպորտի անվտանգության ազգային խորհրդի տվյալներով՝ տուժածներ չկան: Համացանցում հայտնված տեսանյութում երևում է, որ ընկնող ինքնաթիռներից մեկը երկու մասի է բաժանվել: Մյուսը բարեհաջող վայրէջք է կատարել: Metroliner-ում եղել է մեկ օդաչու, իսկ Cirrus-ում օդաչուից բացի՝ նաև ուղևոր: Դեպքի հանգամանքները պարզվում են, պատճառները ևս անհայտ են: Metroliner-ը տեղական թռիչքների և 19 ուղևորի համար է նախատեսված, իսկ Cirrus ինքնաթիռը նախատեսված է եղել 5 ուղևորի համար: Դեպքի վայրում այժմ հետաքննություն է կատարվում:
