Նյու Յորքում Sotheby’s աճուրդի տանը ներկայացված բրիտանացի նկարիչ Բենքսիի Love is in the Air աշխատանքը, աճուրդների պատմության մեջ առաջին անգամ հնարավոր կլինեն ձեռք բերել կրիպտոարժույթով։ Այս մասին հայտնում է Sotheby’s-ի կայքը։
Կազմակերպիչների խոսքով՝ նկարը գնահատվում է 3-5 մլն դոլար։ Դրա համար վճարել հնարավոր կլինի Bitcoin կամ Ethereum կրիպտոարժույթներով։ Սակայն խաղադրույքները կարվեն դոլարային համարժեքով։ Աճուրդը կկայանա մայիսի 12-ին։
Sotheby’s-ի հաղորդագրությունում նշվում է, որ սա իրենց կողմից նորագույն տեխնոլոգիաների կիրառման փորձերի շարունակությունն է։
Նշենք, որ Բենքսիի նկարում պատկերված է բողոքի ակցիայի մասնակից, որը ծաղկեփունջ է նետում։