Ապրիլի 24-ից հետո շարունակվում են քննարկումները ԱՄՆ նախագահ Ջոզեֆ Բայդենի կողմից Հայոց ցեղասպանության ճանաչման առնչությամբ, որոշումն անշուշտ պատմական է, կարելի է ասել նաև՝ ռազմավարական: Ի՞նչ է նշանակում այս ճանաչումը, ի՞նչ պետք է անի Հայաստանն արդեն իսկ կայացած այս փաստի հետ, ՞րը պետք է լինի այսուհետ հայկական հարցի կառավարման տրամաբանությունը կամ հաջորդականությունը: Այս և մի շարք հարցեր «Առաջին Լրատվական»-ը քննարկել է ակադեմիկոս, թուրքագետ Ռուբեն Սաֆրաստյանի հետ:
Մեր զրուցակիցը ևս շեշտեց, որ ԱՄՆ-ի կողմից Հայոց ցեղասպանության ճանաչումը սկզբունքային ստրատեգիական առումով փոփոխություն է, որի արդյունքները շատ շուտով կտեսնենք: «Առաջին հերթին մի շարք երկրներ, որոնք մինչև այժմ չեն ճանաչել Հայոց ցեղասպանությունը, կճանաչեն: Մյուս կարևոր փոփոխությունը կապված կլինի աշխարհում ընդհանուր մթնոլորտի հետ՝ Հայոց ցեղասպանության ճանաչման առումով… Ներկայում Կալիֆոռնիայում կան մի շարք դատական գործընթացներ՝ կապված հատուցում ստանալու հետ, որոնք այժմ սառեցված են, քանի որ հիմա ավարտվեց ԱՄՆ-ի կողմից ցեղասպանության ճանաչման գործընթացը, որը մեկնարկել էր երկու տարի առաջ, այդ դատական գործընթացները ևս կստանան նոր ընթացք»,-ասաց Սաֆրաստյանը՝ հավելելով, որ Հայաստանը վաղ թե ուշ կդիմի Հաագայի դատարան, որի դատավորները ևս հաշվի կառնեն այն փաստը, որ Հայոց ցեղասպանությունը ճանաչվել է ԱՄՆ-ի կողմից:
Առավել մանրամասն՝ տեսանյութում:
