Բայդենի կողմից Ցեղասպանության ճանաչումը Հայկական լոբբի՝ տարիներ շարունակ կատարված աշխատանքի արդյունք է: Այս մասին «Առաջին լրատվական»-ի հետ զրույցում ասաց ԱԺ Պաշտպանության և անվտանգության մշտական հանձնաժողովի նախագահ Անդրանիկ Քոչարյանը:
Ա․ Քոչարյանի կարծիքով՝ Բայդենի հայտարարությունը զսպող ազեցություն կարող է ունենալ տարածաշրջանում․«Բայդենի հայտարարությունը մեզ կարևոր հնարավորություն է տալիս»:
Անդրադառնալով Սյունիքում տեղի ունեցած միջադեպին և դրան հետևած զարգացումներին Անդրանիկ Քոչարյանը նկատեց․․«Սյունիքում զարգացումներ չէր, վարչապետի այցը խոչընդոտելու նպատակներ էին»:
Նրա խոսքով՝ Սյունիքում խուլիգանության կազմակերպիչները ցանկանում էին զարգացումները գնար սրացումների․ «ԱԱԾ-ն պետք է պարզի՝ Սյունիքում այդ խմբերը ինչպես են կազմվել, ովքեր են կառավարիչները: Զանգեզուրը դարձել է կռվախնձոր, որին մենք մասնակցում ենք: Սյունիքի դեպքերը հեռուն գնացող քաղաքական նպատակներ են հետապնդում: Քոչարյանը փորձում է պլանավորել այլ գործողությունները և նրա ներկայությունը ակնհայտ է: Նրա հետ կապվող խմբերը փորձում են Զանգեզուրը կտրել Հայաստանից: Զանգեզուրը քաղաքականացնել հաշիվներ մաքրելու համար՝ անթույլատրելի է»: