Չեչնիայի Հանրապետության ղեկավար Ռամզան Կադիրովի որդին՝ 13-ամյա Ադամ Կադիրովը, սոցցանցերում քննադատության է արժանացել «Լեգենդների ժամանակը 6. Հատուկ գործողություն» կոչվող բռնցքամարտի մրցաշարում վիճելի հաղթանակից հետո:
Կադիրով կրտսերի մրցակիցը Ասլան Բատտիրովն է եղել: Երկրորդ ռաունդում մրցակիցները շատ ակտիվ հարվածներ են փոխանակել, բայց մի պահ դատավորը բաժանել է բռնցքամարտիկներին և սկսել տասը վայրկյանանոց հետհաշվարկ: Բատիրովը վստահորեն ոտքի վրա էր և պատրաստ էր շարունակելու պայքարը, բայց մրցավարը նոկդաուն է գրանցել Ասլանի նկատմամբ, և բռնցքամարտիկի մարզիչները սպիտակ սրբիչները նետել են ռինգ:
Բատիրովն ուղղակի զարմացած ձեռքերը վեր է բարձրացրել, իսկ կրտսեր Կադիրովը նվաճել է չեմպիոնական գոտին: