Արքայազններ Չարլզը, Ուիլյամը և Հարին առանձնազրույց են ունեցել Էդինբուրգի դուքս Ֆիլիպի հուղարկավորությունից երկու ժամ անց: Այս մասին հաղորդում է The Sun-ը՝ հղում անելով բրիտանական թագավորական ընտանիքին մոտ կանգնած աղբյուրներին:
Սա հոր և որդիների առաջին խոսակցությունն է արքայազն Հարիի և նրա կնոջ՝ Մեգան Մարքլի ամերիկացի հեռուստահաղորդավարուհի Օփրա Ունֆրիին տված սկանդալային հարցազրույց հետո, որտեղ Մեգանը պատմել էր, թե իբր արքայական ընտանիքն անհանգստացած էր իր այն ժամանակ դեռ չծնված որդու՝ Արչիի մաշկի գույնով:
Ըստ աղբյուրների, արքայազն Ֆիլիպը ցանկանում էր, որ նրանց խոսակցությունը տեղի ունենար: Նրա որդին և թոռները զրուցել են Վինձորի ամրոցում՝ տեսախցիկներից հեռու: Սա շատերի մոտ հույս է արթնացրել, որ ընտանիքը վերջապես կվերամիավորվի, իսկ արքայազն Հարին կմնա Մեծ Բրիտանիայում և ապրիլի 21-ին կնշի իր տատիկի՝ Եղիսաբեթ II թագուհու 95-ամյակը:
Բացի այդ, ըստ պարբերականի զրուցակցի, Հարին կարող է նաև իր ավագ եղբոր հետ ներկա գտնվել Քենսինգթոնյան պալատում իրենց մոր՝ արքայադուստր Դիանայի հիշատակը հավերժացնող հուշարձանի բացման արարողությանը: