Պակիստանի Լահոր, Իսլամաբադ, Գուջրանվեալ, Պեշավար և այլ խոշոր քաղաքներում զանգվածային բողոքի ցույցեր են ընթանում «Tehreek-e-Labbaik Pakistan» (TLP) իսլամական ահաբեկչական կազմակերպության առաջնորդ Ալամա Սահադ Հուսեյն Ռիզվիի ձերբակալության դեմ:
Ոստիկանությունն ուժ է կիրառում, ջրցան մեքենաներ և մարտական զենք: Այս մասին հաղորդում են տեղական լրատվամիջոցներն ու սոցցանցերը:
Ռիզվին և նրա կազմակերպությունը 2020թ.-ի նոյեմբերին Պակիստանի կառավարությունից պահանջել էր վտարել Ֆրանսիայի դեսպանին և խզել առևտրային կապերն այդ երկրի հետ՝ Charlie Hebdo փարիզյան պարբերականի կողմից Մուհամեդ մարգարեի ծաղրանկարները հրապարակելու և ֆրանսիական դպրոցի ուսուցչի հետ կապված միջադեպի պատճառով:
Իշխանությունները խոստացել էին Պակիստանի խորհրդարանում քննարկել նրա պահանջները, բայց չկատարեցին իրենց խոստումը: Դրանից հետո TLP-ի առաջնորդն իր կողմինակիցներին կոչ է արել բողոքի ակցիաներ կազմակերպել և ձերբակալվել է անկարգություններ հրահրելու համար: