Հյուսիսային Օսիայի նախկին ղեկավար Զելիմխան Բիտարովի որդին ոստիկանությանը բացատրություն է տվել «Վնուկովո» օդանավակայանում Վլադիմիր Ժիրինովսկու որդու՝ Օլեգ Էիդելշտեյնի հետ ծեծկռտուքի վերաբերյալ, գրում է Baza-ն:
Բիտարովի խոսքով, Էիդելշտեյնն օդանավ է մտել արդեն հարբած վիճակում և թռիչքի ընթացքում սկսել է հրապարակավ վիրավորել իրեն:
Օդանավակայանում Էիդելշտեյնն իրեն էլ ավելի ագրեսիվ է պահել՝ վիրավորելով ոչ միայն Բիտարովին, այլև նրա հարազատներին: Բացի այդ, ըստ Բիտարովի, Ժիրինովսկու որդին փորձել է հարվածել իրեն, ինչից հետո նա ստիպված է եղել ուժ կիրառել:
Բիտարովը ենթադրել է նաև, որ Էիդելշտեյնը առաջինն է բողոքել ոստիկանություն, քանի որ ինքն է ընդհարման մեղավորը: