Իրանական Նաթանզում միջուկային օբյեկտում տեղի ունեցած վթարի հետևանքով վնասված ցենտրիֆուգների փոխարինումը սկսվել է դեպքից անմիջապես հետո: Նման հայտարարություն է արել Վիեննայում միջազգային կազմակերպություններում Իրանի մշտական ներկայացուցիչ Քազեմ Հարիբ-Աբադին:
Նա Twitter-ի իր էջում գրել է, որ վնասված ցենտրիֆուգների՝ «ավելի մեծ հզորությամբ նույն սարքավորումներով» փոխարինման գործընթացը սկսվել է «անմիջապես»:
Հարիբ-Աբադին նաև նշել է, որ Թեհրանը միջադեպին կպատասխանի համապատասխան միջոցներով: