Մեծ Բրիտանիայի արքայազն Հարրին վերադարձել է Մեծ Բրիտանիա, որպեսզի մասնակցի իր պապի՝ արքայազն Ֆիլիպի՝ ապրիլի 17-ին կայանալիք հրաժեշտի արարողությանը: Այդ մասին հաղորդել է Sun պարբերականը՝ վկայակոչելով աղբյուրներ:
Ստացված տեղեկատվության համաձայն, արքայազնը Լոս Անջելեսից ժամանել է British Airways ավիաընկերության չվերթով, որը «Հիթրոու» օդանավակայանում վայրէջք է կատարել տեղական ժամանակով 13:15-ին (Երևանի ժամանակով 12:15-ին): Ինչպես նշում է պարբերականը, Հարրին կիջևանի Քենսինգթոնյան պալատում և կապրի Նոթինգհեմ քոթեջում, որը գտնվում է նստավայրի տարածքում:
«Այսօր նա (արքայազն Հարրին) վայրԷջք է կատարել«Հիթրոու» օդանավակայանում: Ես տեսել եմ, թե ինչպես է նա նստել ավտոմեքենա»,-հայտարարել է ականատեսը: Ժամանելուց հետո արքայազնը հարկադրված է լինելու 10 օր կարանտինի մեջ գտնվել:
Ինքնամեկուսացման ժամկետը կարող է կրճատվել մինչև հինգ օր՝ կորոնավիրուսի բացասական թեստ ստանալու դեպքում: Սակայն նրան կթույլատրվի հրաժեշտի արարողությանը ներկա գտնվել, քանի որ, կառավարության հրամանագրին համապատասխան, արտասահմանից ժամանողները կարող են «այցելել ընտանիքի անդամների կամ բարեկամների հուղարկավորությանը»։