Քոչարյանն իրեն պատկերացնում է Ռուսաստանի գուբերնիայի ղեկավար, ոչ ՀՀ 2-րդ նախագահ

Հայկական համացանցում թափ է հավաքել ֆլեշմոբը կամ դիսկուրսը՝ կապված Թուրքիայի թշնամի լինելու իրողության հետ: Պետք է նկատել, որ այդ ֆլեշմոբը կամ դիսկուրսը խթանում են քաղաքական մեծամասնության ներկայացուցիչները՝ կամա թե ակամա: Խթանում են հայ-թուրքական հարաբերության կամ հաշտության վերաբերյալ իրենց հայտարարություններով, որոնք քաղաքական տեսանկյունից, մեղմ ասած, բավականին հում են, չխնամված, չմշակված, հաճախ նույնիսկ, թող ներվի ասել, չմտածված: Իհարկե չենք կարող բացառել նաև միանգամայն մտածված և հաշվարկված տարբերակը՝ այն նպատակադրումով, որ հենց ծավալվի, այսպես ասած, դիսկուրսը: Բայց ծավալվում է ոչ թե դիսկուրս, այլ հերթական անգամ, ինչպես լինում է մեր հանրային կյանքում գրեթե միշտ, մի ծայրահեղությունը սնուցում է մյուս ծայրահեղությանը, և այդ երկու ծայրահեղություններն աքցանի պես սեղմում են պետական, հանրային, ազգային օրակարգի կարևոր հարցերը և այդ հարցերը ռացիոնալ ու օպտիմալ քննարկման տիրույթում պահելու կարողությունն ու բովանդակությունը: Թեմայի շուրջ «Առաջին լրատվական»-ը զրուցել է «Անտարես» հրատարակչության տնօրեն Արմեն Մարտիրոսյանի ու «Հանուն Հանրապետության» կուսակցության անդամ Ռոբերտ Ղևոնդյանի հետ: