Ռուսաստանում ներկայում գրանցվել Է SARS-CoV-2 կորոնավիրուսի բրիտանական հիմնամանրէով վարակման 81 դեպք և հարավաֆրիկյան հիմնամանրէով վարակման վեց դեպք: Այդ մասին «Իզվեստիա»-ին տված հարցազրույցում հայտնել է «Ռոսպոտրեբնադզոր»-ի ղեկավար, ՌԴ-ի գլխավոր պետական սանիտարական բժիշկ Աննա Պոպովան:
«Ներկայում Ռուսաստանում առանձնացվել է բրիտանական հիմնամանրԷի 81 և հարավաֆրիկյան հիմնամանրէի վեց նմուշ: Պոպովան նշել է, որ Եվրոպայում, Ասիայում, Հարավային Ամերիկայում և Աֆրիկայում աճում է հատկապես այդ հիմնամանրէներով ախտահարվածների թիվը, ուստի, նրա խոսքով, «այսօր ավելի լավ է մնալ հայրենի երկրում»:
«Ռոսպոտրեբնադզոր»-ի ղեկավարը հավելել է, որ Ռուսաստանում նույնպես հայտնաբերվում են կորոնավիրուսի նոր մուտացիաներ, բայց դրանց վտանգավորությունը գնահատելու համար ավելի շատ ուսումնասիրություններ են հարկավոր, և դրանք անցկացվում են:
Ներկայում, ամփոփել է Պոպովան, անհանգստանալու հիմքեր չկան։