Թուրքական Haberler.com կայքի փոխանցմամբ՝ Թուրքիայի հարավ-արևելյան հատվածում ընկած Հաթայ նահանգի (Անտիոք) Իսքենդերունի շրջանում (Ալեքսանդրեակ) 9-ամյա ընդմիջումից հետո վերաբացվել է Քառասուն մանկանց եկեղեցին։ Վերջինս կառուցվել է 1872 թվականին։
Եկեղեցում պատարագ կատարելուց հետո քահանա Ավեդիս Թաբաշյանը հայտարարել է, որ իրենք շատ երջանիկ են եկեղեցու վերաբացման կապակցությամբ՝ ընդգծելով, որ Թուրքիայում ապրում են խաղաղության ու հանդուրժողականության մթնոլորտում։
Նշվում է, որ վերջին անգամ Քառասուն մանկանց եկեղեցում պատարագ է անցկացվել 2002 թվականին՝ եկեղեցու նախկին քահանա Սարգիս Սերոբ Բիլյանի կողմից, որի մահն էլ դարձել է եկեղեցու գործունեության ժամանակավոր դադարեցման պատճառ։
