– Ինչո՞վ է զբաղվում «Մոգո» կազմակերպությունը:
– «Մոգո» կազմակերպությունն արդեն մի քանի տարի շարունակ տրամադրում է հասանելի ավտովարկեր, և վստահ կարելի է ասել, որ հանդիսանում է ավտովարկավորման առաջատարը Հայաստանում։
– Վերջերս մեկնարկել եք նոր արշավ՝ ՄԻՆԻՄԱԼ վարկատեսակի շրջանակներում. ի՞նչ խնդիր է այն լուծում։
– Այո, մշակել ենք նոր վարկատեսակ, որը հիմնված է մեր հաճախորդների մի ստվար զանգվածի հստակ պահանջմունքների վրա. մարդկանց, ովքեր տաքսի-ծառայություններում աշխատելու կամ էլ աշխատանքային նպատակներով շահագործելու համար ստիպված են մեքենա վարձակալել օրավարձով։ Այս վարկատեսակը առաջարկում է փոխարինել օրավարձով մեքենան սեփական մեքենայով, որի համար ավելի քիչ գումար կվճարեն՝ որպես վարկի մարում, և վերջում էլ իհարկե կունենան սեփական ավտոմեքենա։
– Որքա՞ն ժամկետով է տրամադրվում վարկատեսակը, և ինչո՞վ է այն նախընտրելի շուկայում առաջարկվող այլ նմանօրինակ վարկատեսակներից։
– Դժվար է ասել, որ նմանօրինակ վարկատեսակ կա, քանի որ, ինչպես նշեցինք, այն հստակ մեկ խնդրի լուծմանն է ուղղված: Այս առումով պետք է նշենք, որ վարկը երեք տարի ժամկետով է, և եզակի առավելությունն այն է, որ հաճախորդը երկու տարի առանց ուշացումների վարկը մարելուց հետո վերջին՝ երրորդ տարին կվճարի միայն մայր գումար և ոչ մի տոկոս կամ այլ վճար։
– Շատերը խուսափում են վարկերից, արդյոք դա խոչընդոտ չի՞ լինի վարկատեսակի պահանջարկի առումով։
– Մենք շեշտում ենք երկու միտք. առաջինը՝ եթե դուք վարորդ եք և սեփական մեքենայի բացակայության պատճառով ստիպված եք վարձակալել մեքենա, ապա մեր Մոգո ՄԻՆԻՄԱԼ նոր վարկատեսակը իսկապես հենց Ձեզ համար է։
Երկրորդ՝ եթե վճարում ես, վճարիր սեփական մեքենայի համար, այլ կերպ ասած՝ ինչո՞ւ վճարել օրավարձ ուրիշի մեքենայի համար, եթե կարող ես վճարել ավելի քիչ քո սեփական մեքենայի համար։ Մենք առաջարկում ենք հաճախորդի համար առավել շահավետ այլընտրանք։
Նաև նշենք, որ մեր առաջարկը հիմնված է տաքսի-ծառայությունների առավել շատ շահագործվող մեքենաների միջին շուկայական գների և ավտոմեքենաների օրավարձերի միջին արժեքների հաշվարկի և համեմատականների վրա։ Դա է պատճառը, որ վստահ կարող ենք ասել, որ սեփական մեքենան ունենալուց զատ՝ դուք դեռ մի ուրիշ մեքենայի գումարի չափ էլ գումար կխնայեք։
– Այնուամենայնիվ, շատերը գերադասում են վարձակալության հիմունքով մեքենաները, քանի որ որևէ պարտավորություն չունեն։ Չե՞ք կարծում, որ այդ տեսանկյունից առաջարկը կարող է չհետաքրքրել։
– Ընդհակառակը, այն փաստը, որ հաճախորդը մեզ հետ ունի պայմանագրային հարաբերություններ, մենք համարում ենք մեր առաջարկի առավելություններից մեկը։ Մենք ամրագրում ենք իրավական հարաբերություններ, և հաճախորդը դրանով պաշտպանված է, իսկ օրավարձի դեպքում հիմնականում վարձակալը պաշտպանված չէ և մեկ օրում կարող է զրկվել և՛ վարձակալած մեքենայից, և՛ փաստորեն աշխատանքից, ինչն այս պարագայում բացառվում է:
Եթե ներկայացնենք մի քանի թվային հաշվարկ, ապա համեմատականը ավելի պարզ կլինի։ Ենթադրենք, դուք աշխատում եք ամսվա ընթացքում 26 օր և Nissan Tida մեքենայի օրավարձի համար վճարում եք 5000 դրամ 3 տարի շարունակ, այդ գումարը կկազմի 4 680 000 ՀՀ դրամ, իսկ ի՞նչ դուք կունենաք ՄԻՆԻՄԱԼ վարկատեսակով մեքենա ձեռք բերելու պարագայում. նույն Nissan Tida մակնիշի մեքենայի համար օրական մարումը կկազմի մոտավորապես 2500 դրամ, և երեք տարում դուք կխնայեք մոտ 2 366 000 ՀՀ դրամ և, ամենակարևորը, երեք տարի հետո դուք կունենաք սեփական մեքենա, ինչը օրավարձի դեպքում հնարավոր չէ։ Կարծում եմ՝ այս օրինակն առավելագույնս պարզ նկարագրում է մեր առաջարկի առավելությունները։
– Շնորհակալություն զրույցի համար։
