Լոնդոնի հյուսիսում ցուցարարները վիրավորել են ութ ոստիկանի: Sky News հեռուստաընկերության հաղորդմամբ` անկարգությունների մասնակիցների շարքերում նույնպես տուժածներ կան` 19 հոգի վնասվածքներ է ստացել, 10 հոգի հոսպիտալացվել են: Թալանի են ենթարկվել Թոթենհեմ թաղամասի մի շարք խանութներ:
Բողոքի գործողությունները կապված են չորս երեխաների հայր`29-ամյա Մարք Դագանի սպանության հետ: Վերջինին գնդակահարել էր նրա մեքենան կանգնեցնել փորձող ոստիկանը: Նշենք, որ Դագանը նույնպես զինված է եղել և, կրակելով, վիրավորել է ոստիկանին: Մանրամասները քննվում են:
