Մեծ Բրիտանիայի Համայնքների պալատի խոսնակ Ջոն Բերքովի կինը` Սալլի Բերքովը, մասնակցելու է Big Brother (Մեծ Եղբայր) հեռուստատեսային հաղորդաշարին, գրում է Telegraph-ը:
41-ամյա տիկին Բերքովը արդեն մեկ անգամ հայտնվել էր թերթերի առաջին էջերին, երբ նկարահանվել էր միայն սպիտակ սավանով փաթաթված: Նրա գործընկերներն է դառնալու հայտնի դերասանուհի և մոդել Փամելա Անդերսոնը:
Պահպանողական խորհրդարանական Ռոբ Ուիլսոնը մեկնաբանել է այդ լուրը հետևյալ կերպ. «Ջոն Բերքովը ասում է, որ ցանկանում է վերականգնել խորհրդարանում հարգանքն ու արժանապատվությունը… Համոզված չեմ, որ Սալլի Բերքովի միանալը երկրի ամենագռեհիկ հաղորդումներից մեկին` կօգնի դրան»:
Հետաքրքրական է, որ պահպանողական գործիչ Բերքովի տիկինը ջերմեռանդ լեյբորիստուհի է:
