Արցախյան երկրորդ պատերազմի 44 օրերի ընթացքում մեր զինվորներն արել են ամենաանհնարինը՝ տեսնելով այդ սարսափը, կորցնելով ընկերներին: Բայց ամեն դեպքում իրենք ընկճված են, որ այսպես ստացվեց, կապ չունի՝ ում մեղքով եղավ այս ամենը: Պետք է նախ փոխել պարտված բանակի համազգեստը, պետք է արդիականացնել բանակը: Այս մասին «Առաջին լրատվական»-ի հետ զրույցում նշեց դերասան Արտյոմ Կարապետյանը:
«Այսօր ես չեմ կարողանում լսել քաղաքական գործիչներին, նրանց բոլոր նախադասություններն անլուրջ են, որովհետև նրանք չեն խոսում շատ կարևոր հարցերի մասին. երբ ենք գերիներին վերադարձնելու և ինչպես, դրսում, վրաններում մնացած տղաներին որտեղ, ինչ շենքի մեջ ենք տեղավորելու: Այսօր ամենաանպաշտպանը զինվորն է, բոլորս պաշտպանված ենք՝ բացի զինվորից:
Երևի մի կախարդական փայտիկ է պետք, որ «կտցնենք» ինտերնետն անջատվի ու մարդիկ գան ռեալ կյանք, իջնեն հողի վրա և փորձեն գործ անել: Ինտերնետով շատ գործեր են արվում, բայց էս մեկը չի լինի ինտերնետով անել…
Եկել է լռելու, ամեն մեկս մեզ հետ մենակ մնալու և գլուխը կախ գործ անելու ժամանակը»,- նշեց դերասանը:
Մանրամասն՝ տեսանյութում: