Այս գիշեր Standard & Poor’s վարկանիշային գործակալությունը, որը համարվում է աշխարհի ամենավստահելի ֆինանսական կառույցներից մեկը, իջեցրել է ԱՄՆ վարկային վարկանիշը՝ AAA-ից մինչև AA+՝ կանխատեսելով իրավիճակի բացասական զարգացում: Ընդ որում, սա անում է պատմության մեջ առաջին անգամ:
Սակայն ԱՄՆ կառավարությունն անմիջապես արձագանքել է այս հայտարարությանը՝ նշելով, որ այդ վարկանիշը հաշվարկելիս Standard & Poor’s-ը սխալ է գործել, քանի որ վերլուծության արդյունքում 2 տրլն դոլարի տարբերություն է ստացվում, ինչի արդյունքում էլ վարկանիշն իջեցվել է: Այս մասին CNBC հեռուստաալիքին ասել են ԱՄՆ ֆինանսների նախարարությունում:
Ինչպես հաղորդում է CNN-ը, Standard & Poor’s-ը ուրբաթ երեկոյան տեղյակ է պահել Սպիտակ տանն այս որոշման մասին: Ամերիկյան վարչակազմը պատասխանել է և ներկայացրել մի քանի տրիլիոնի սխալ հաշվարկները, սակայն դա Standard & Poor’s-ի ղեկավարությունը հաշվի չի առել և իջեցրել է վարկանիշը:
