Ռեկտորների հետ «Բարձրագույն կրթության և գիտության մասին» օրենքի նխագծի քննարկման ժամանակ սկզբունքային նոր բան չհնչեց: Այս մասին «Առաջին լրատվական»-ի հետ զրույցում նշեց ԿԳՄՍ նախարար Վահրամ Դումանյանը:
«Բոլոր թեմաներն արդեն իսկ քննարկվել էին: Դուք գիտեք՝ ինչու է նախագիծը հայտնվել այս փուլում, որովհետև ԱԺ վերջին նիստում որոշակի տեխնիկական պատճառով որոշվեց այն վերադարձնել առաջինից երկրորդ ընթերցում: Սա տվեց հավելյալ հնարավորություն կրկին քննարկել օրենքի հետ կապված որոշ դրությներ: Այսօրվա քննարկումը իմ գնահատականով որակապես ավելի բովանդակային էր այն առումով, որ շատ հաճելի էր, որ քննարկվեց օրենքի բուն բովանդակությունը, քան որոշ քննարկումներ, երբ հիմնական քննարկումը ծավալվում էր հայտնի հարցի շուրջ՝ ռեկտորին ինչպես ընտրել: Այսօր կարծում եմ՝ այդ հարցն իր տեղը զիջեց օրենքի բուն բովանդակությանը՝ կրթության որակի ապահովում, գիտության հետ կապված հարցերի քննարկում»,-ընդգծեց նախարարը:
