Վրաստանի վարչապետ Իրակլի Ղարիբաշվիլին առաջին անգամ մեկնաբանել է «Պիրվելի» հեռուստաընկերության եթերում հրապարակված սկանդալային աուդիոձայնագրությունները: Նա կարծում է, որ դա նախկին նախագահ Միխայիլ Սահակաշվիլիի կողմից կազմակերպված «կեղտոտ սադրանք է և հերյուրանք»:
Ղարիբաշվիլին նշել է, որ հեռուստատեսային սյուժեում օգտագործվել են 11 տարի առաջ տեղի ունեցած հեռախոսային խոսակցությունների խմբագրված տարբերակները:
«Հենց սա պետք է հետաքննել. ինչու՞ է գաղտնալսում իրականացվել, ինչու՞ է հրապարակվել խոսակցության խեղաթյուրված, կեղծ տարբերակը»,- նշել է նա:
Խոսելով դեռահասի մասնակցությամբ դրվագի մասին՝ Ղարիբաշվիլին ասել է. «հանցագործություն չկա, քանի որ տուժած չկա»:
