Թուրքական Doğan լրատվական գործակալության փոխանցմամբ՝ Թուրքիայի Մուղլա նահանգի Բոդրում շրջանի հանգստավայրերից մեկում հայտնաբերվել է ամերիկաբնակ հայազգի ինժեներ Արման Ազաքի դիակը։
Հուլիսի 30-ի երեկոյան միայնակ բնակվող 74-ամյա Արմանը զանգահարել է ոստիկանություն և հայտնել, որ իր վրա դանակով հարձակում են գործել։ Ապա հեռախոսակապը կտրվել է:
Դեպքի վայր ժամանած ոստիկանները հայտնաբերել են Արմանի անշնչացած ու արյունաքամ եղած մարմինը, որի վրա առկա են եղել բազմաթիվ վնասվածքներ: Դատաբժշկական փորձաքննությունը պարզել է, որ հայազգի տղամարդուն բազմաթիվ հարվածներ են հասցրել մահակով, ապա նաև դանակի մոտ 30 հարված հասցրել:
Արմանի վիլլայի ունեցվածքը չի տուժել, ինչի համար էլ ենթադրվում է, որ սպանությունը չի կատարվել թալանի հողի վրա: Տարվում է հետաքննություն, հարցաքննվել է 18 մարդ:
