Ուկրաինային պաշտոնական այցով գտնվող Իսրայելի նախագահ Շիմոն Պերեսը հայտարարել է, որ «Ուկրաինան հայտնվել է մի բուֆերային իրավիճակում Ռուսաստանի, ԱՄՆ և Եվրոպայի միջև: Ուկրաինան դեռ պատրաստ չէ անդամակցելու ՆԱՏՕ-ին, իսկ ՆԱՏՕ-ն դեռ չի էլ ողջունում Ուկրաինային: Բայց մինչև Ուկրաինան կմտնի ՆԱՏՕ, Ռուսաստանն արդեն այնտեղ կլինի», ասել է Պերեսը` պատասխանելով Կիևում նրան ուղղված հարցին:
Ընդ որում Պերեսը հիշեցրել է, որ Ռուսաստանի նախագահ Դմիտրի Մեդվեդևը մասնակցել է Լիսաբոնում կայացած ՆԱՏՕ-ի գագաթաժողովին: Սրանից նա եզրակացրել է, որ աշխարհում այլևս չկան ազգ-թշնամիներ, այլ բոլոր մարտահրավերնրն ավելի գլոբալ են: