Ամերիկյան NASA տիեզերական գործակալությունը մտադիր է առաջիկա տասը տարիների ընթացքում առաջին կնոջն իջեցնել Լուսնի վրա, հաղորդում է CBS News հեռուստաալիքը:
Առաքելությունը նախատեսվում է Artemis («Արտեմիս») ծրագրի շրջանակում: Դրան կմասնակցեն ինը տղամարդ և ինը կին: Նշվում է, որ ծրագրի իրականացումը հետաձգվում է միջոցների գերածախսի պատճառով:
NASA-ի տիեզերական թռիչքների ղեկավար Չառլի Բլեքվել-Թոմփսոնի խոսքով, Լուսնի ուսումնասիրությանը վերադառնալը հնարավորություն կտա տարբեր արժեքավոր գիտելիքներ ստանալ և բազմաթիվ գիտական հայտնագործություններ անել:
«Մենք դեռ բացահայտելու շատ բան ունենք: Մենք դեռ ուսումնասիրում ենք Apollo ծրագրի շրջանակում վերադարձված նմուշները»,- ասել է Բլեքվել-Թոմփսոնը:
