Ամերիկյան վետերանին թույլատրել են հայց ներկայացնել ԱՄՆ նախկին Պաշտպանության նախարար Դոնալդ Ռամսֆելդի դեմ: Հայցվորը գտնում է, որ Ռամսֆելդը պատասխանատու է իր հանդեպ կիրառված կտտանքների համար:
Անանուն զինվորականը 2005 թ ծառայում էր Իրաքում, որպես թարգմանիչ, երբ իր պաշտոնակիցները, կասկածելով լրտեսության մեջ` իրեն ձերբակալել են և բանտ տեղափոխել: Բանտում անցկացրած 9 ամիսների ընթացքում նա բազմիցս կտտանքների է ենթարկվել` նրան ցուրտ ժամանակ պահել են դրսում, աչքերը կապել են, գլխին պարկ են հագցրել և զրկել են քնելու հնարավորությունից: Որևէ պաշտոնական մեղադրանք նրան ներկայացված չի եղել: Բարեկամները նույնպես չեն տեղեկացվել նրա հետ կատարվածի մասին:
2008 թ, հայտնում է Associated Press-ը, զինվորականը դատի է տվել Ռամսֆելդին, պնդելով, որ վերջինս անձամբ այս կամ այն մարդուն կտտելու հրամաններ է տվել: Բացի նախկին պաշտպանության նախարարից հայցեր են ներկայացվել բազմաթիվ այլ պաշտոնյաների: Ռամսֆելդը բողոքարկել է դատարանի որոշումը:
