Հայաստանն ապրում է ծանր ժամանակաշրջան՝ պատերազմում պարտություն կրելուց հետո բախվելով նոր խնդիրների ու մարտահրավերների: Զուգահեռաբար խորանում է նաև քաղաքական ճգնաժամը: Ի՞նչ բարեփեխումներ են անհրաժեշտ, և այդ բարեփոխումների առանցքում ինչ գաղափարներ պետք է դրվեն, որոնք չլինեն զուտ հռչակագրային, և բարեփոխումները չլինեն կոսմետիկ փոփոխություններ:
Թեմայի շուրջ «Առաջին լրատվական»-ի հետ զրույցում այս և մի շարք այլ հարցերի անդրադարձավ գրող, հրապարակախոս Գևորգ Տեր-Գաբրիելյանը:
Նրա դիտարկմամբ՝ գործող Սահմանադրությունը թերություններ ունի: «Եթե օրենքները շատ հաճախ են փոխվում, եթե անգամ ընդունվել են առանց ժողովրդի հետ քննարկման և խախտումներով, դա ավելի վատ է, քանի որ ավելի է խարխլվում օրենքներին հետևելու մարդկանց ցանկությունը:
Բայց մյուս կողմից էլ՝ այս Սահմանադրությամբ անհնար է յոլա տանել երկիրը: Այն և՛ վատ է գրված, և՛ խոչընդոտներ է ներկայացնում, և՛ ընդունվել է առանց համաժողովրդական քննարկման»,- ընդգծեց Տեր Գաբրիելյանը:
Նա նաև հավելեց, որ մեզանում առկա է արխայիկ մտածողության խնդիր. «Մենք հաճախ օրենքը կապում ենք անձի հետ, և գերադասում ենք ենթարկվել որևէ ղեկավար անձի, քան օրենքին»:
Մանրամասները՝ տեսանյութում:
