Tuesday, 19 03 2024
Երիտասարդ կինն ու տղամարդը կասկածվում են «Մեթամֆետամինի» ապօրինի շրջանառություն իրականացնելու մեջ․ նրանք կալանավորվել են
Ստոլտենբեգից հետո, Ստոլտենբերգից առաջ
Վարդենիս համայնքի սոցիալապես անապահով բնակիչներին ցուցաբերվել է առողջապահական աջակցություն
Մարզերում ևս շրջիկ առևտուրը կկանոնակարգվի
Ստոլտենբերգը ժամանեց Երևան
Բելգորոդի մարզում գնդակոծության զոհերի թիվն ավելացել է
11:30
Նավթի գներն աճել են. 18-03-24
Սիրիան հետ է մղել իսրայելական օդային հարձակումը Դամասկոսի վրա. SANA
«Мир» վճարային համակարգի քարտերը չեն աշխատի Հայաստանում. РБК
ՃՏՊ Սիսիան-Գորիս ավտոճանապարհին. կան զոհեր և տուժած
10:30
«Ադրբեջանի շահերից է բխում թույլ չտալ Պուտինի հաղթանակը»․ Ստոլտենբերգ
10:22
Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման
Բելգիայի Սենատում քննարկում կանցկացվի Հարավային Կովկասում իրավիճակի վերաբերյալ
ԵՄ արտգործնախարարները վերահաստատել են իրենց աջակցությունը Հայաստանին. Ստանո
ՊԵԿ-ը փետրվարին 150 հարկ վճարողի մոտ արձանագրել է ՀԴՄ կիրառման կանոնների խախտում
Ուղիղ. Ազգային ժողովի հերթական նիստը
Լուրերի առավոտյան թողարկում 10։00
Դիլիջանի ոլորանները փակ են բեռնատարների համար
4 պատճառ, թե ինչու չարձագանքել Պուտինի վերընտրությանը
Սպասվում են ինտենսիվ տեղումներ
Եթե նախկինում հնարավոր էր ընտրություն կատարել, այսօր չկա այլընտրանք, քան Եվրոպան
Արսենյանը չի ճանաչում իր գրասենյակի մոտ պայթուցիկ տեղադրելու գործով կալանավորվածներին․ մանրամասներ. «Ժողովուրդ»
Հանրահավաքը կպառակտի՞, թե՞ կմիավորի. «Հրապարակ»
Ռուսները նախազգուշացնում են՝ գենոցիդ ենք անելու
Ինչ է քննարկվել ՔՊ խմբակցության փակ նիստում. «Հրապարակ»
«Ներքին գործերի նախարարությունը 89 հատ թանկարժեք ժամացույց է գնել. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն
Մոտ 5 միլիոն դրամ՝ օրացույցների և օրագրերի համար․ ԱԺ անհիմն գնումները 2024-ի առաջին եռամսյակում. «Ժողովուրդ»
ՀՀ իշխանություններն իրականում չեն պատրաստվում խզել ՌԴ-ի հետ որեւէ միջպետական պայմանագիր. «Հրապարակ»
Փաշինյանը պաշտոնա՞նկ կանի Շիրակի մարզպետին. «Ժողովուրդ»

Երևանի միակ դաշնակից ձևաչափը

Երևանն ակնկալում է տեսնել ուժեղ համանախագահություն, որը առաջին հերթին կկարողանա ապահովել իր մանդատի բովանդակությունը, մասնավորապես խաղաղ գործընթացի առաջմղումը՝ փետրվարի 23-ին հայտարարել է Հայաստանի արտգործնախարար Արա Այվազյանը «Տարածաշրջանային և եվրասիական ինտեգրման ներկա մարտահրավերները հետպատերազմյան Հայաստանում» օրակարգով փակ ձևաչափով նիստին, որ տեղի է ունեցել խորհրդարանական հանձնաժողովում: Արա Այվազյանը հայտարարել է, որ Արցախի հարցի միակ բանակցային միջազգայնորեն ճանաչված ձևաչափը Մինսկի խմբի համանախագահությունն է, և Հայաստանը շարունակելու է սատարել այդ ձևաչափը: Այվազյանը նաև կրկնել է, որ պատերազմով պարտադրված իրավիճակը չի կարող լինել լուծում, և լուծումը պետք է լինի քաղաքական բանակցության միջոցով, որտեղ կարտացոլվեն բոլոր կողմերի շահերն ու իրավունքները, այդ թվում՝ Արցախի կարգավիճակի սահմանումը:

Երևանի այդ շեշտադրումները անշուշտ կարևոր են այն նոր իրավիճակում, որ ստեղծվել է ռեգիոնում: Ակնառու է, որ Հայաստանի «դաշնակիցը» այդ իմաստով Մինսկի խմբի համանախագահությունն է, ինչը, սակայն, գտնվում է մի շարք հարցերի տիրույթում, մասնավորապես այն, թե որքանով է ԱՄՆ նոր վարչակազմը ձևաչափի աշխուժացման հարցում լինելու նախաձեռնող: Առայժմ այդ տեսանկյունից հարաբերական իրավիճակ է: Մինսկի խմբի համանախագահությունը ցույց է տալիս լինելիության նշաններ, ինչը, սակայն, բավարար չէ գործընթացի հանդեպ ամբողջական վերահսկողություն սահմանելու և հատկապես ռուս-թուրքական մոնիտորինգային ձևաչափի հանդեպ վերահսկողություն հաստատելու համար:

Մյուս կողմից՝ Մինսկի խմբի համանախագահության աշխուժացումը անշուշտ պետք է տեղի ունենա, այսպես ասած, հիպոկրատյան սկզբունքով՝ «մի վնասիր» տրամաբանությամբ: Չվնասել հաստատված կայունությանը, որն անշուշտ դեռևս բավականին փխրուն է, և Մինսկի խմբի համանախագահության աշխուժացումը պահանջում է բավականին բարդ և մանրակրկիտ աշխատանք, «ոսկերչական» աշխատանք այն խնդիրների համատեքստում, որ ունեն համանախագահ երեք երկրները թե՛ միմյանց հետ՝ այլ հարցերում, թե՛ նաև ռեգիոնալ մյուս դերակատարների՝ Թուրքիայի և Իրանի հետ:

Ընդ որում, լայնամասշտաբ ռազմական գործողությունների վտանգը ներկայումս գրեթե մոտ է զրոյին՝ մի շարք իրողություններ հաշվի առնելով, սակայն շատ կարևոր է նաև, որպեսզի ռեգիոնում բացառվի, այսպես ասած, լիակատար «սիրիականացումը», երբ տարբեր մասշտաբի և բնույթի լոկալ ռազմական գործողությունները կարող են վերածվել, այսպես ասած, քաղաքական հարաբերություններ պարզելու պրակտիկայի: Այդ իրավիճակը իր մեջ պարունակում է բազմաթիվ կարճաժամկետ ու երկարաժամկետ ռիսկեր Հայաստանի ու Արցախի համար, ըստ այդմ՝ Մինսկի խմբի համանախագահության աշխուժացումը պետք է միտված լինի այդպիսի ռիսկերի ինստիտուցիոնալ մակարդակով բացառմանը՝ միևնույն ժամանակ աշխուժացման գործընթացում կամա թե ակամա չխթանելով այդ ռիսկերը:

Բաժիններ
Ուղիղ
Լրահոս
Որոնում