Չեխիայի Ազգային ռեֆերենցիոն լաբորատորիայի (ԱՌԼ) փորձագետները փետրվարի 23-ին հետազոտությունների համար ստացել են կորոնավիրուսի «հարավաֆրիկյան մուտացիայի» երկու ենթադրյալ նմուշ, որը կարող էր հանրապետությունում հայտնվել արտասահմանից: Այդ մասին լրագրողներին հայտնել է Առողջապահության պետական ինստիտուտի ներկայացուցիչ Կլարա Դոլակովան:
«Առայժմ ԱՌԼ-ն չի հաստատել մեզ մոտ կորոնավիրուսի «հարավաֆրիկյան» հիմնամանրէի հայտնվելը: Առկա է երկու նմուշների առկայության մասին տեղեկատվություն, որոնցից մեկը պատրաստվել է հետազոտության, իսկ երկրորդը հետազոտության համար չի համապատասխանում RNA-ի ցածր խտության պատճառով: Երկու դեպքում էր կասկածն ընկնում է արտասահմանից ներթափանցման վրա»,-ասել է Դոլակովան:
Նրա խոսքով՝ Հիվանդությունների կանխարգելման և վերահսկողության եվրոպական կենտրոնը (ECDC) առողջապահության ազգային մարմիններին արդեն նախազգուշացրել է, որ կորոնավիրուսի մուտացված տարբերակների մեծ աճ է տեղի ունեցել ամբողջ Եվրոպայում:
Բացի դրանից՝ բրիտանացի բժիշկների ուսումնասիրությունների համաձայն, որը հրապարակվել է New England Journal of Medicine ամսագրում, կորոնավիրուսի «հարավաֆրիկյան մուտացիան» կարող է երկու երրորդով նվազեցնել պատվաստանյութերի, մասնավորապես, Pfizer/BioNTech պատրաստուկի արդյունավետությունը: Դրա հետ կապված՝ այդ ֆիրմաների փորձագետները, ԶԼՄ-ների տվյալներով, իբր պատրաստ են թեստավորել իրենց պատվաստանյութի նոր տարբերակը:
Չեխիայում այժմ ակտիվորեն տարածվում է կորոնավիրուսի «բրիտանական» հիմնամանրէն, որը գերակշռող է դարձել հանրապետության արևմտյան շրջաններում: Հիվանդների թիվը այստեղ 3-4 անգամ գերակշռում է երկրի միջին ցուցանիշներին: Հեբ և Տախով քաղաքների հիվանդանոցները լեփ-լեցուն են, ինչի կապակցությամբ հիվանդներին ստիպված ուղարկում են 200-300 կիլոմետր դեպի երկրի հարավ-արևելք:
Առողջապահության նախարարության տվյալներով՝ փետրվարի 22-ին հանրապետությունում գրանցվել է 11 233 կորոնավիրուսով հիվանդ, ինչը 2310-ով ավելի է, քան մեկ շաբաթ առաջ այդ օրը: Այժմ հիվանդ է 120 823 մարդ: Հոսպիտալացված է 6572 մարդ, որոնցից 1329-ը գտնվում են վերակենդանացման բաժանմունքում. ծանր հիվանդների թիվը ամենամեծն է համավարակի սկզբից ի վեր, հաղորդել է ՌԻԱ Նովոստին:
