Tuesday, 02 03 2021
Նոր սկանդալ Վրաստանում՝ կապված կորոնավիրուսի պատվաստանյութի հետ
Բաղրամյան պողոտայում վրաերթի են ենթարկել երիտասարդ աղջկա, որը մահացել է հիվանդանոցում
00:45
ԱՀԿ-ն մեկ օրում արձանագրել է կորոնավիրուսով վարակման ավելի քան 347 հազար դեպք
Ավտովթար Ծաղկահովիտ-Արթիկ ավտոճանապարհին. կան արգելափակված քաղաքացիներ
Հայ-Ռուսական համալսարանի կարգավիճակում կամ գործունեության պայմաններում ոչինչ չի փոխվում. համալսարանի ռեկտոր
00:15
Արքայազն Հարին Օփրա Ուինֆրիին տված հարցազրույցում խոսել է իր մոր մասին
Ստեփանծմինդա-Լարս ավտոճանապարհը փակ է բեռնատար ավտոմեքենաների համար
Դավթաշենում մեքենաներ են բախվել․ տուժածի վիճակը ծանր է
23:30
ՀՀ ԶՈՒ-ն նոր հայտարարություն է տարածել
23:15
Instagram-ը նոր գործառույթ է ներկայացրել
23:00
Բիլ Գեյթսը բացահայտել է, թե երբ կավարտվի COVID-19-ի համավարակը
Հանցագործները բանակը վերածեցին բռնաճնշումների գործիքի․ երկրում ինստիտուցիոնալ ճգնաժամ է
22:40
Ֆրանսիայի նախկին նախագահ Սարկոզին կարող է խուսափել բանտարկությունից
Տպավորություն է՝ հայ քաղաքական դաշտը Հայաստանինը չէ
Մարտի 1-ի զոհերի հիշատակին նվիրված երթ
Հայաստանը Բաքվի ուղղությամբ «Իսկանդեր» հրթիռ է արձակել
Շատ ծանր պրեսինգ է հանրության վրա․ ստիպում են լինել սև կամ սպիտակ
Եվս 13 օր, որից հետո ծանր իրադարձություններ են սպասվում. «Կամերտոն»
22:05
Համավարակի երկրորդ ալիքը շարունակվում է. ԱՀԿ
21:55
ԱՄՆ-ը պատրաստվում է այս շաբաթ պատժամիջոցներ կիրառել Ռուսաստանի դեմ. CNN
Պետք է մնանք այս հրապարակում մինչեւ վերջ․ Իշխան Սաղաթելյան
Գորբաչովը Ռուսաստանին կոչ է արել հաշտություն կնքել ԽՍՀՄ նախկին հանրապետությունների հետ
Թույլ չենք տա խլել ժողովրդի իշխանությունը․ մի ճանապարհ կա՝ ընտրություններ․ Ռոմանոս Պետրոսյան
Փաշինյանը և երթի մասնակիցները հարգանքի տուրք մատուցեցին Մարտի 1-ի զոհերի հիշատակին
ՀՀ առողջապահության նախարարությունը ներկայացրել է COVID-19-ի վիճակագրությունը
Մեր պայքարը վատ ղեկավարին լավով փոխարինելու համար չէ. մենք վատ ղեկավար չունենք. Վազգեն Մանուկյան
Նիկոլ Փաշինյանի ելույթը (ամբողջական)
Երկարաձգվել է «ճամփորդում եմ առանց COVID-19» հավելվածով Ռուսաստան մուտք գործելու ժամկետը
Մենք պետք է լինենք զգոն․ դիմում եմ մոլորվածներին․ Մելքումյան
Ադրբեջանի հրաժարումը ռազմագերու կարգավիճակ տալ գերեվարված հայ զինվորներին՝ իրավունքի կոպտագույն խախտում է. Արցախի ԱԳՆ

Իրանը կարող է Հայաստանի անվտանգությունը մասամբ ապահովել թուրք-ադրբեջանական դաշինքի վտանգից

Իրանի իսլամական խորհրդարանում Սանանդաջ, Դիվանդարե և Քամյարան քրդաբնակ քաղաքների պատգամավոր, Իրան-Հայաստան խորհրդարանական բարեկամության հանձնաժողովի նախագահ, դոկտոր Սեյեդ Մահդի Ֆարշադանը ՀՀ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ, Հայաստան-Իրան բարեկամական խմբի ղեկավար Մխիթար Հայրապետյանի հետ հեռախոսազրույցի ընթացքում կարևորել է Իրան-Հայաստան բազմակողմանի համագործակցության հետագա զարգացման և  ընդլայնման անհրաժեշտությունը։

Նա, արժևորելով Հայաստանի և Իրանի միջև առկա բազմաբնույթ համագործակցությունը և քաղաքական օրակարգի խթանումը, հայտնել է, որ ծրագրում է առաջիկայում պատվիրակությամբ այց կատարել Հայաստան՝ առավել հանգամանալից քննարկելու համագործակցության խորացման հեռանկարները:

Այս առնչությամբ իրանահայ լրագրող և քաղաքական մեկնաբան Սահակ Շահմուրադյանն «Առաջին լրատվական»-ի հետ զրույցում նշեց, որ Ֆարշադանը Իրանի խորհրդարանի այն պատգամավորներից է, որ ակտիվորեն մասնակցում է երկրի տնտեսական զարգացման և ֆինանսական ու առևտրական նախագծերի ներկայացման և քննարկման նիստերին, հետևում է, որ օրինագծերը կառավարությունն իրագործի: Նա նաև ակտիվորեն հետևում է Իրանի տնտեսական իրավիճակի բարելավման և սոցիալական խոցելի խավերի և փոքրամասնությունների իրավունքների պաշտպանության աշխատանքներին:

«Ֆարշադանը համոզված է, որ ԱՄՆ-ի կողմից Իրանի դեմ սահմանված պատժամիջոցների իրավիճակում, երբ Իրանը գտնվում է ամենախիստ տնտեսական պատժամիջոցների տակ, Ռուսաստանի և ԵԱՏՄ անդամ երկրների մեծ շուկան կարող է օգտագործվել որպես իրանական արտադրված ապրանքների արտահանման հիմնական նպատակային շուկաներից մեկը: Հետևաբար նկատի առնելով Հայաստանի կարևոր դերը ԵԱՏՄ-ում և այն, որ արցախյան պատերազմից հետո տարածաշրջանում տեղի ունեցած աշխարհաքաղաքական փոփոխությունները ու կովկասյան տարածաշրջանում ճանապարհների ապաշրջափակման ծրագրերը կարող են երկարատև ժամանակահատվածում հանգել ի վնաս Իրանի տնտեսական և քաղաքական շահերի, որտեղ արդեն մեծ դերակատարություն են ստանում Թուրքիան և Արևմուտքի ու Իսրայելի բարեկամ Ադրբեջանը, ուստի Իրանը, զգալով մոտալուտ վտանգը, փորձում է ստեղծված իրավիճակում հնարավորինս արագ իր ներկայությունը ամրագրել պատերազմից հետո տուժած Հայաստանի  շուկայում և իր արտադրած ապրանքների արտահանման ճանապարհներից մեկը Հայաստանի վրայով բաց պահել դեպի Ռուսաստան, Վրաստան և ԵԱՏՄ անդամ երկրների շուկաներ»,-ասաց Շահմուրադյանը:

Նրա խոսքով՝ չնայած Իրանը նույն ձև է վարվում Ադրբեջանի հետ և փորձում է իր տնտեսական հարաբերությունները խորացնել այդ երկրի հետ, որպեսզի կարողանա հակակշռել Թուրքիայի տնտեսական, քաղաքական և ռազմական ազդեցությանը կովկասյան տարածաշրջանում, սակայն Հայաստանի հետ Իրանի տնտեսական հարաբերությունների ամրագրումը կարող է օգնել Իրանի ազդեցության և դերակատարության խորացմանը ԵԱՏՄ-ում, ինչին անդամակցելու համար նույնքան շահագրգրված է Իրանի գործընկեր և աշխարհաքաղաքական մրցակից Թուրքիան. «Հետևաբար Իրանը այժմ փորձում է բոլոր ուղղություններով իր տնտեսաքաղաքական ներկայությունը հաստատել հարևան երկրներում, իսկ կովկասյան տարածաշրջանի ուղղությամբ Իրանի համար կարևոր է իր հարաբերությունները խորացնել Ռուսաստանի և Հայաստանի հետ, որին պետք է նաև նույնքան կարևորության տան Հայաստանի իշխանությունները և գործարար ու առևտրաքաղաքական շրջանակները»:

Քաղաքական մեկնաբանի խոսքով՝ ավելի վաղ իրանցի պատգամավոր, դոկտոր Ֆարշադանը, Իրանի  և Ռուսաստան միջև առևտրի, տարանցման և տրանսպորտի զարգացումը համարելով երկու երկրների միջև համագործակցության ընդլայնման կարևոր ենթակառուցվածքներից մեկը, ասել էր. «Տրանսպորտի զարգացումը և Հյուսիս-հարավ միջանցքի ավարտը, առևտրային նավատորմի և համակցված տրանսպորտի ամրապնդումը, այդ թվում՝ ճանապարհային-երկաթուղային-ծովային տրանսպորտը, կարող է նպաստել երկու հարևան երկրների միջև առևտրի զարգացմանը»:

Իրանի իսլամական խորհրդարանի նախագահ Ղալիբաֆը Ռուսաստան կատարած իր այցի շրջանակում հայտարարել էր. «ԵԱՏՄ-ին Իրանի անդամակցության շուրջ բանակցությունները սկսվել են, և մշտական անդամակցության նախապատրաստական աշխատանքները կմեկնարկեն առաջիկա  շաբաթների ընթացքում»:

Իրանի իսլամական խորհրդարանի նախագահ Մոհամմադ Բաղեր Ղալիբաֆն անդրադառնալով Ռուսաստան կատարած իր այցի ձեռքբերումներին և այցի ընթացքում քննարկված տնտեսական հարցերին՝  ասել է. «Հայաստանը ԵԱՏՄ անդամ է, որը տարածաշրջանի երկրներին կապել է իրար հետ և ձևավորել ազատ առևտրի գոտի»:

«Հետևաբար այս առումով պետք է կարևորել Մխիթար Հայրապետյանի հեռախոսազրույցը Սեյեդ Մահդի Ֆարշադանի հետ։ Այս տեսակետից նաև պետք է կարևորել իրանցի պատգամավորի այն հայտարարությունը, ըստ որի՝ ծրագրում է առաջիկայում պատվիրակությամբ այց կատարել Հայաստան՝ առավել հանգամանալից քննարկելու համագործակցության խորացման հեռանկարները։

Ստեղծված իրավիճակում Հայաստանը պետք է լուրջ մոտեցում ունենա Իրանի հետ առևտրատնտեսական. ֆինանսական, համատեղ ներդրումների, գիտելիքահեն տնտեսության և այլ ոլորտների զարգացման ու պլանավորման և, ամենակարևորը, տնտեսական ու առևտրական և տրանսպորտային ու էներգակիրների խողովակագծերի տարանցման նախագծերի գործադրմանը: Դա ոչ միայն կօգնի երկու երկրների տնտեսական բարգավաճմանը, այլև ավելին՝ կնպաստի, որ Իրանը դուրս գա տնտեսական շրջափակումներից, ինչն անչափ կարևոր խնդիր է Իրանի համար: Թեհրանը իր բարեկամական երկիր Հայաստանից ակնկալում է այդ ուղղությամբ օգնել Իրանին, ինչի դիմաց Իրանը կարող է Հայաստանի անվտանգությունը մասամբ ապահովել թուրք-ադրբեջանական արդեն ձևավորված ռազմաքաղաքական դաշինքի վտանգից»,-հայտարարեց Սահակ Շահմուրադյանը:

Նա նաև հավելեց, որ նախքան Իրանի խորհրդարանի պատգամավորների պաշտոնական այցը Հայաստան, փետրվարի 16-ին Հայաստան է ժամանել Իրանի գիտելիքահեն 40 ընկերությունների ներկայացուցիչներից  բաղկացած պատվիրակությունը՝ շուկայի ընդլայնման նպատակով: «Այս կապակցությամբ Իրանի նախագահի գիտական հարցերով վարչության գիտելիքահեն տնտեսության  տարածման շտաբի քարտուղար Փարվիզ Քարամին ասել է. «Պատվիրակության կազմում են տեքստիլի, գյուղատնտեսության և մեքենաների, շինարարության, պետրոքիմիայի, կոսմետիկայի, օրգանական սննդի և թվայնացման ոլորտների գիտահեն և ստեղծարար ընկերությունների ներկայացուցիչներ, որոնք հանդիպուոմներ են ունենալու հայկական ընկերությունների ներկայացուցիչների հետ»:

Քարամին նշել է. «Հայաստանի շուկան գիտահեն և ստեղծագործ ընկերությունների մեծ տարողություն ունի, և այդ երկրի հետ առևտրական փոխանակումները կարող են նպաստել երկկողմ հարաբերությունների ընդլայնմանը»:

Կարծում եմ, որ այս պատվիրակության այցը կարելի է նախերգանքը համարել հետպատերազմյան շրջանում Իրան-Հայաստան երկկողմ համագործակցության հետագա զարգացմանն ու ընդլայնմանն ուղղված քայլերի, ինչը կխթանի համագործակցության խորացման և առավել ամրապնդման հեռանկարները։ Այս առումով  առաջիկայում Իրանի խորհրդարանական պատվիրակության  այցը Հայաստան և կայանալիք համաձայնագրերը անկասկած միջպետական հարթակում առավել կամրագրեն երկու երկրների տնտեսական, մշակութային, առևտրական, տեխնոլոգիական, էներգետիկ, տրանսպորտային կապերի վրա հիմնված հարաբերությունների բարձր մակարդակը»,- ասաց նա:

Բաժիններ
Ուղիղ
Լրահոս
Որոնում
new adriver("adriver_banner_525093214", {sid:216038, bt:52, bn:28});