Հայաստանից 2020թ.-ին արտահանված ապրանքներն ամենաբազմազան են՝ սկսած տրիկոտաժից մինչև հանքարդյունաբերական արտադրանք:
Մաքսային մուտքերը 2020թ.-ին 2019-ի համեմատ նվազել են, բայց 2018թ.-ի հետ գրեթե նույնն են: Տեղեկությունն այսօր հրավիրված ասուլիսում հայտնեց ՀՀ ՊԵԿ մաքսային վիճակագրության և եկամուտների հաշվառման վարչության պետ Մնացական Շարաֆյանը:
«Մաքսային վիճակագրական տվյալների շտեմարանում առկա տվյալները փաստում են, որ մենք մոտ 17.5 % ներմուծման նվազում և 7% արտահանման նվազում ունենք»,- ասաց Շարաֆյանը՝ հավելելով, որ այս ցուցանիշները դեռ վերջնական չեն ու մշակման փուլում են: Վերջնական թվային տվյալները կներկայացվեն մարտ ամսին:
Հետաքրքրական է, որ 2020թ-ին, չնայած համավարակով պայմանավորված փակ սահմաններին, պաշտոնական վիճակագրության համաձայն, Հայաստանում ավելացել է ապրանք արտահանողների թիվը:
