Ադրբեջանական Trend լրատվական գործակալության փոխանցմամբ՝ հաջորդ ուսումնական տարուց սկսած՝ Վրաստանի ԲՈՒՀ-երում անգլերենի ուսուցումը դառնում է պարտադիր։ Այս մասին հայտարարել է Վրաստանի կրթության ու գիտության նախարարությունը։
Նշվում է, որ անգլերեն պետք է սովորեն բոլոր ուսանողները՝ անկախ նրանից, թե ԲՈՒՀ ընդունվելիս նրանք որ լեզվով են քննություն հանձնել։ Առանց անգլերեն լեզվի քննության, ուսանողները չեն կարող ստանալ բակալավրի աստիճան։
Վրաստանի նախագահ Միխեիլ Սաակաշվիլին առաջնահերթ է համարում Վրաստանում անգլերեն լեզվի ուսուցումը, որը վրացական դպրոցներում անցնում են առաջին դասարանից։
«Սովորիր և սովորեցրու» ծրագրի շրջանակներում արդեն իսկ համայն աշխարհից Վրաստան է ժամանել մոտ 1500 անգլերենի դասուսույց, որոնք բաշխվել են վրացական դպրոցների միջև՝ երեխաներին անգլերենի մատուցման որակի բարձրացման համար։
