Ուկրաինան ՆԱՏՕ-ին առաջարկել է Ղրիմի օդային տարածքն օգտագործել գործողությունների համար, հայտարարել է Ուկրաինայի ենթակառուցվածքների նախարար Վլադիմիր Կրիկլին՝ ՄԱԿ-ի գլխավոր քարտուղարի տեղակալ Պատրիկ Թյորների հետ հանդիպման ժամանակ, ասվում է նախարարության հաղորդագրությունում: Կրիկլին շեշտել է, որ Ուկրաինան հավատարիմ է եվրատլանտյան կառույցներին ինտեգրման գործընթացին:
Կիևի և դաշինքի համագործակցության կետերից մեկը օդային երթևեկության մասին տեղեկատվության փոխանակումն է: «Ժամանակակից պայմաններում կարևոր է ուժեղացնել քաղաքացիական օդային երթևեկության վերահսկողությունը և արձագանքել Սև ծովի տարածքում և ԻՏԿ-ի գոտում ճգնաժամային իրավիճակներին»,- ասել է ուկրաինացի պաշտոնյան:
Կրիկլին ՆԱՏՕ-ին առաջարկել է Սիմֆերոպոլի շրջանի օդային տարածքի թռիչքների վերաբերյալ տեղեկատվությունն օգտագործել զորքերի, սարքավորումների և բեռների տեղափոխման համար: Բացի այդ, Ուկրաինայի իշխանությունները հույս ունեն ՆԱՏՕ-ին օժանդակություն ցուցաբերել Ռուսաստանի հետ սահմանի երկայնքով օդային իրավիճակը դիտարկելու հարցում:
Հանդիպման ընթացքում Կրիկլին և Թյորները քննարկել են ենթակառուցվածքների նախարարության մասնակցությունը «Coherent Resilience 2021» զորավարժություններին Սև ծովում և համագործակցությունը կիբեռնետիկայի ոլորտում:
